LUKAS 20:14 - Alkitab Singog In Mongondow Masa In Tanaa

¹⁴ Táe naonda in mototomoyó mita tatua nokoontongmai kon i adínea tatua, mosia in noyosingog bo noguman nanaa, ‘Sia naa inta mogabat kon kapunyaan i amánea. Igai bá ḻimodon naton in sia, sinbá moiḷabúdon kon i naton in gobá tanaa.’

LUKAS 20:14 Iomraidhean Croise

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 89:27

Sia in mogumanbí kon i-Nakó, ‘Ikobí in ki Amáku, ki Allahku, mogogoḻingoiku bo mopoposaḷamatku.’

MATIUS 16:7

Dá mosia in norai bo noguman, “Sia nosingog kon natua sin kita in diá nodia kon roti.”

MATIUS 21:25

Naa in ḻibóon-Ku, nongkon onda in kawasa inta pinaké i Yohanes nobaptis? Nongkon soroga andeka nongkon intau?” Mosia noyosingog mongo onu in pototubag monia, “Aka kai naton: ‘Nongkon soroga,’ yo Sia in moguman kon i naton, ‘Aka natua, yo nongonu sin moiko in diábí mopirisaya kon i-Nia?’

MATIUS 21:34

Naonda i wakutuneadon mosipú kon bungainea, pinotabánea in bobantungnea mita minayá kon mototomoyónea mita sin mogamá kon silainea.

LUKAS 19:47

Pomuḷoi in singgai Sia mayá mobogoi in totundú kon bonu in Baḷoi Tuhan. Imang mita itoi bo mototundú mita kon agama takin itoi mita intau Yahudi moibogdon moḻimod kon i-Nia,

LUKAS 20:13

Pangabisannea ki togi gobá in norai nanaa, ‘Onupa degá in aidanku? O, potabákudon in ki adíku inta kotabi-tabiku. Aka sia yo pasti kon moinsim in mosia!’

LUKAS 20:15

Dá pinogarabdon monia in adí tatua kon ḷuai in gobá bodongka iḻimod.” Bo ki Yesus in noḻibó kon i monia, “Yo aka ki togi gobá tatua bo mobuidon mangoi, yo onu in aidannea kon mototomoyó mita tatua?

LUKAS 20:19

Mototundú mita kon agama bo imang mita itoi in nonotaaudon kon poumpamaan-Nea tatua in pinomakusud-Neabí kon i monia, dá ḷongasiondon monia domokon in Sia kon dodai intua. Táe mosia in moondok kon intau mobayong tatua.

LUKAS 20:5

Dá mosia in noyosingog mongo onu in potubag, kai monia, “Aka tubagan naton nongkon i Allah, dá Sia in moḻibóbí nanaa, ‘Aka natua yo nongonu sin moiko in diábí mopirisaya kon inia?’

LUKAS 22:2

Imang mita itoi bo mototundú mita kon agama norai mongo naonda in poḷoḻimod monia kon i Yesus, táe umuni-uni sin moondok kon intau moantó.

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

OUMAN IN RASUL MITA 3:15

Moiko in noḻimodon kon i-Nia inta pangkoi in kobiagan in bayongan intau, táe bui bo biniag i Allah in Sia nongkon sigad in intau minatoi. Bo kami naa in nokoontong tontaní kon tua komintan.

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.