LUKAS 2:40 - Alkitab Singog In Mongondow Masa In Tanaa

⁴⁰ Adí tatua nodugangdon in koḷoben bo koropot-Nea. Sia mobijaksana totok bo totok doman kinotabi i Allah.

LUKAS 2:40 Iomraidhean Croise

MAZMUR 22:9

Mosia in noguman, “Pobiódon mako in sia mopongata kon i Tuhan, sinbá ki Tuhan in moposaḷamat kon inia, aka mopia in gina i Tuhan kon inia!”

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

LUKAS 1:80

Ki adí i Zakharia tatua kodugang-kodugangdon in koḷobennea bo rohonea in koropot-koropot domandon. Bo sia in umuran nogutun kon padang gurun nodapot in singgai inta aindon sinantú kon pokipogontongannea kon intau in Israel.

LUKAS 2:47

Komintan intau inta mokodongog in mongoherang sin totok mopandoi in Sia motubag kon onu in ḻibóon.

LUKAS 2:52

Kodugang-kodugangdon in koḷoben bo kopandoi i Yesus, bo Sia in umuran kinotabi i Allah bo kinoibog in bayongan intau.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

OUMAN IN RASUL MITA 4:33

Takin kawasa moḷoben, rasul mita tatua in nopotaau kon ki Yesus ain nobiag bui. Dá totokdon in binarakatan i Allah in mosia.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

TIMOTIUS 2 2:1

Uḻe Timotius adíku! Totabi inta inogoi kon i naton sin notobatúdon i Kristus in kita, baḻí intua dodoyonan inta mokoroton kon inimu.

HAKIM MITA 13:24

Tongonumai nobuḷan noiduduimai ki buḷoi Manoah tatua nopononggadídon in adí ḷoḷaki bo sinangoiannea ki Simson in adí tatua. Adí tatua noitoidon bo binarakatan i Tuhan;

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:21

Ki Hana in binarakatan i Allah, dá buipa nopononggadípa in sia in adí ḷoḷaki toḷu bo adí bobay doyowa. Ki Samuel in koitoi-koitoidon kon wakutu in sia mogundoimai kon i Allah.

SAMUEL 1 2:26

Tongá ki Samuel, adí tatua, in koḷantud-koḷantudon bo kinoibogdon totok i Tuhan bo in bayongan intau.

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.