LUKAS 2:38 - Alkitab Singog In Mongondow Masa In Tanaa

³⁸ Bo kon dodai intua sia in namangoi doman, bo nodayow kon i Allah bo noginsilang kon intau mita inta mogoḷat mako kon wakutu koangoian i Tuhan moposaḷamat kon Yerusalem. Pinogumannea mongo ki ine in Adí tatua.

LUKAS 2:38 Iomraidhean Croise

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

LUKAS 2:36

Kon tua oyúon doman in nabi bobay inta ain nogoguyang totok. Ki Hana in tangoinea, ki adí i Panuel, nongkon suku in Asyer. Pitu notaong sia nobiag noyotakin i buḷoinea,

LUKAS 24:21

Bokaka aindon i harap mako nami kon Siabí tua inta mamangoi bo moposaḷamat kon Israel. Singgai naa in singgaidon kon intoḷunea nongkon kinobaḻian intua komintan.

KORINTUS 2 9:15

Posukurdon kon i Allah sin diá in poḻiu kon barakat inogoi-Nea.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.