LUKAS 2:37 - Alkitab Singog In Mongondow Masa In Tanaa

³⁷ táe tanaa sia dongkadon boba-bobay, bo umurnea aindon waḷu nopuḷú boopat notaong. Sia umuranbí mamangoi in Baḷoi Tuhan. Doḷom bo singgai sia mogaid kon onu inta kino ibog i Tuhan, sia in mosambayang bo mopuasa.

LUKAS 2:37 Iomraidhean Croise

MAZMUR 22:2

Allahku, o Allahku, Nongonu sin sinaḷáan-Mubimai in akuoi? Akuoi in nokuani, táe Iko in umuranbí noyayú bo diá notuḷung kon inakó.

MAZMUR 23:6

Kinotaauanku kon Iko in mopiabí totok kon inakó, bo umuranbí motabi kon inakó. Dá motaaubí in akuoi mogutun kon Baḷoi-Mu kinoouput in kobiaganku.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

MAZMUR 84:4

Nodapot in ḷagapan dui-duit nokouḻí kon baḷoi bo ḷagapan tansibí in nokouḻí kon pugad, tampat pogogukatan monia kon i adínea kon diug in mezbah-Mu, o Tuhan Inta Totok in mokawasa, Datuku bo Allahku.

MAZMUR 92:13

Intau motuḻid in monubu naonda bo pangkoi in kurma, bo mobiag moḷumbá naonda bo pangkoi in ḷokuyú in Libanon.

IḶUAIAN 38:8

Ki Bezaleel nomia kon tampat in tubig nongkon porunggu inaipan in porunggu doman. Porunggu tatua nongkon posilag mita kapunyaan in bobay mita inta mogogundoi kon tayowon ḷoḻingkop in Ḷoḷaigan i Tuhan.

LUKAS 5:33

Intau mita in Parisi noguman doman nanaa kon i Yesus, “Murí i Yohanes bo murí mita intau in Parisi mokakitbí in mopuasa bo mosambayang. Táe murí-Mu mita in umuranbí mongaan bo monginum.”

OUMAN IN RASUL MITA 13:3

Naonda in nopaḷutdon nopuasa bo nosambayang in mosia, binarakatandon monia in ki Barnabas bo ki Saulus bo poḷat pinotabá minayá in taya dua.

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

TIMOTIUS 1 5:5

Intau boba-bobay inta nobiagdon tontaní sin diádon in haraponnea mako motuḷung monompia kon inia, bo dongkadon ki Allah in poharapannea mako, yo musti in sia doḷom bo singgai in mosambayang bo mopoigum in totabi kon i Allah.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.

SAMUEL 1 2:2

Diábí inta motusi ná ki Tuhan! Tongábí Sia in pononiungan.