LUKAS 2:35 - Alkitab Singog In Mongondow Masa In Tanaa

³⁵ bo iko Maria in mokorasa naonda bo tura-turakon in pitow, táe Adí tanaa in mobuká kon onu inta noibuni kon gina in intau moantó.”

LUKAS 2:35 Iomraidhean Croise

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

LUKAS 2:36

Kon tua oyúon doman in nabi bobay inta ain nogoguyang totok. Ki Hana in tangoinea, ki adí i Panuel, nongkon suku in Asyer. Pitu notaong sia nobiag noyotakin i buḷoinea,

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.