LUKAS 2:33 - Alkitab Singog In Mongondow Masa In Tanaa

³³ Ki iná bo ki amá-Nea noherang totok in nokodongog kon onu in siningog i Simeon kon Adí tatua.

LUKAS 2:33 Iomraidhean Croise

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

MATIUS 12:46

Wakutu in ki Yesus koyogotpa moyosingog takin intau moantó tatua, ki iná bo ki utat-Nea mita ain sinimindog kon ḷuai bo moḷongasi mokipodungkuḷ kon i-Nia.

MATIUS 8:10

Naonda in dinongog i Yesus tosingogon in porwira tatua, noherang totok in Sia. Dá Sia in noguman kon intau mita inta dinumudui kon i-Nia, “Diápa kon dodai in onda in kinodungkuḷan-Ku in koḷoḷoben pirisaya ná tanaa kon sigad in intau in Israel!

LUKAS 2:18

Bo intau mita inta nokodongog kon ouman in gombala mita tatua nongoherang.

LUKAS 2:48

Natua doman in guyanga-Nea. Totok doman noherang in nokoontong kon i-Nia. Dá ki iná-Nea in noguman nanaa kon i-Nia, “Uḻe, nongonu inaidan-Mubí in nanaa kon inami? Noḻia-ḻiawdon totok in gina naminda i amá-Mu in notayak kon ini-Mu!”

LUKAS 20:26

Kon tayowon intau moantó tatua, mosia in diábí nokouḻí kon taḷá i Yesus tobatúpamai. Sedang bo tongábí noherang totok in mosia in nokodongog kon tubag-Nea tatua, dá dongkadon kibio-biómai in mosia.

LUKAS 9:43

Komintan intau noherang in nokoontong kon kawasa i Allah inta námai tua in koḷoben. Kon wakutu intau mita nongoherangpa totok kon bayongan inta pinomia-Nea tatua, ki Yesus noguman kon murí-Nea mita,