LUKAS 2:26 - Alkitab Singog In Mongondow Masa In Tanaa

²⁶ Roho i Allah ain noguman muna kon inia kon sia in diápabí matoi aka diápa mokoontong kon Datu Mopoposaḷamat inta pinodandi i Tuhan.

LUKAS 2:26 Iomraidhean Croise

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MATIUS 2:12

Bo popisí in mosia aindon kinoyowan kon bonu in togoindop sinbá donaaidon mayá bui kon i Herodes. Dá mosia nobuidon kon ḻipú monia tontaní táe nongin daḷan ibaneadon.

LUKAS 2:29

“Tanaa mako Tuhan, aindon inaidan-Mu onu inta pinodandi-Mu. Tuamain pomayádon mako in bobantung-Mu naa matoi takin pia in gina.

LUKAS 9:27

Bá kotaauan monimu in naa: kon sigad monimu tanaa oyúon in diápabí matoi aka sia in diápa mokoontong kon i Allah mamangoi momarenta saḷaku Datu.”

YOHANES 1:41

Dá ki Andreas in ḷagi notayak kon i Simon ki utatnea bo noguman kon inia, “Kami ain noyodungkuḷ i Mesias!” (Mesias notongkai in Kristus: Datu Mopoposaḷamat.)

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 4:29

kai-nia “Koḻigai, mayá in kita moindoi kon intau inta nopotaau kon inakó kon bayongan inta ain pinomiaku. Degá bo Siabí tua in Datu Mopoposaḷamat?”

YOHANES 8:51

Naa in poguman-Ku kon i monimu, inta dumudui kon singog-Ku, sia in diá bidon kawasaan in popatoi.”

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 17:3

Buk Motusi tatua in binaḻínea dodoyonan noginsilang bo noponiata kon ki Datu Mopoposaḷamat inta pinodandi i Allah tua in mustibí motarima kon roriga, matoi táe bui mobiag. Ki Paulus in noguman doman nanaa, “Ki Yesus inta potaauku kon i monimu naa, Sia tuata in ki Datu Mopoposaḷamat inta pinodandi i Allah.”

OUMAN IN RASUL MITA 2:36

Manangka intua bayongan in intau Israel in musti monotaau totok kon ki Yesus inta ain pinopopakú monimu kon kayu pinoyotaḻempang binaḻí bidon i Allah Tuhan bo Datu Mopoposaḷamat!”

OUMAN IN RASUL MITA 9:20

Ki Saulus in nogutunpa kon Damsyik tongonumai nosinggai noyotakin in dumodudui mita i Yesus kon tua.

IBRANI 11:5

Popisí in oyúon in pirisaya, dá ki Henokh biningkat pinobayá kon i Allah sinbá diá matoi in sia. Diábí tobatúmai in nokouḻí kon inia sin biningkatdon i Allah in sia. Kon Buk Motusi in pinais nanaa, “Kon wakutu in ki Henokh diápa sinintak, kobobiagnea in mokosanang kon gina i Allah.