LUKAS 2:24 - Alkitab Singog In Mongondow Masa In Tanaa

²⁴ Mosia in makusud doman mobogoi in ḷagapan tarangkuku topar andeka paḷoma doyowa inta nongoguodpa mobaḻí kuruban ná inta ain sinantú kon Hukum i Tuhan.

LUKAS 2:24 Iomraidhean Croise

IMAMAT 1:14

Aka inta pinosumba tatua bo ḷagapan tobatú, dá musti ḷagapan tarangkuku ande ḷagapan paḷoma inta moḻineapa.

IMAMAT 12:2

kon bangusa Israel. Aka bobay tobatú mopononggadí in adí ḷoḷaki, dá kon bonu in pitu nosinggai bobay tatua in nonajispabí, notongkai ná kon dodai in sia umaan buḷan.

IMAMAT 5:11

Aka intau inta kotaḷá tatua diá mokopooyúon in ḷagapan tarangkuku togapang ande ḷagapan paḷoma mobaḻí kuruban potobut kon dosa, dá sia in musti modia kon topong tokilo. Topong tatua diábí motaau in bauian in ḷana zaitun ande takinan in kamania, sin kuruban tatua in kurubanbí potobut kon dosa deemanbí kuruban oḷudon.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.