LUKAS 2:14 - Alkitab Singog In Mongondow Masa In Tanaa

¹⁴ “Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

LUKAS 2:14 Iomraidhean Croise

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

LUKAS 2:13

Bo daḻídon malaekat tatua sinakinan in malaekat inta nobarong ibanea, inta nodayow kon i Allah, kai monia,

LUKAS 2:15

Naonda in malaekat mita tatua nonaḷámai kon i monia sin nobuidon kon soroga, gombala mita tatua noyosingog. Nanaa in yosingog monia tua, “Koḻigai bá mayá in Betlehem in kita bo moindoi kon onu inta ain nobaḻí kon tua, ná inta ain pinoguman i Tuhan kon i naton.”

LUKAS 3:22

bo Roho i Allah noponag kon i-Nia naonda bo ḷagapan paḷoma. Bo kinodongogandon in singog nongkon ḷangit noguman nanaa, “Iko in ki Adí-Ku inta kinotabi-Ku. Iko in kinoibog-Ku.”

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

EPESUS 2:4

Táe moḷobendon totok in totabi i Allah! Ná domai tua in tabi-Nea kon i naton,

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.

TESALONIKA 2 2:16

Poigumon mako ki Yesus Kristus Tuhan naton bo ki Allah ki Amá naton in umuran mopoonow bo moginrigon kon gina monimu, sinbá motaau in moiko mogaid bo mopohabar kon onu inta mopia. Motabibí in ki Allah kon i naton, bo lantaran Sia in mopia dá pinomia-Nea in kita umuran mosabar bo moharap mako kon inta mopia.

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”