LUKAS 19:9 - Alkitab Singog In Mongondow Masa In Tanaa

⁹ Bo ki Yesus in noguman kon inia, “Singgaipa doman naa moiko motoḷuadí pinosaḷamat i Allah bo inogoian in kobiagan mobagu, sin iko nion in ki adíbí doman i Abraham.

LUKAS 19:9 Iomraidhean Croise

LUKAS 13:16

Kon naa oyúon in bobay inta mopuḷúdon bowaḷu notaong in umuran kinokodan mako in Ibilis. Ibilis tatua musti inggamáan nongkon inia. Sin sia tua in buíbí doman i Abraham?”

LUKAS 13:30

Bo totuubí kon oyúon intau inta noitontumi, mobaḻí moiuna totok, bo intau inta noiuna totok mobaḻí moitontumi.”

LUKAS 16:24

Dá intau nooyúon tatua in nomaḷú, ‘Amá Abraham! Kotabipa in akuoi naa. Tuḷungaipa potabá in ki Lazarus mopoḷodok in tononuyúnea kon tubig bo mamangoi momuntad kon diláku. Akuoi in totok in mororiga kon bonu in tuḷu tanaa!’

LUKAS 16:30

Táe intau nooyúon tatua in noguman, ‘Diápabí tugat intua, Amá Abraham. Táe aka oyúon in intau minatoi in mobiag bui bo mamangoi kon i monia, yo mogogai bidon in mosia in mogaid kon dosa mita monia.’

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

LUKAS 3:8

Pogumanku kon i monimu, Popoontongpa muna in oaid monimu mopia, saḷaku tanda kon moiko in totu-totuu bidon nogogai in nogaid kon inta diá mopia. Bo donaaipa muna moguman in moiko kon ki Abraham in ki amá nami! Sinbá pogumanku kosilangon kon i monimu, batu mita tanaa in motaaubí aidan i Allah ki adí mita i Abraham!

SURAT I PAULUS KON JAMAAT RUM 4:16

Dandi i Allah tatua in pinodoyonbí kon pirisaya in intau tatua kon i Allah. Tua in nobaḻí tobatú jaminan kon bayongan buí i Abraham, kon dandi tatua in inogoi kon i monia saḷaku tobatú oogoi inta pinonotabi i Allah, deemanbí tongá kon i monia inta motoindudui kon hukum in agama Yahudi, táe kon i moniabí doman inta mopirisaya kon i Allah. Ná ki Abraham inta totok in mopirisaya kon i-Nia. Ki Abraham tua in ki amábí naton komintan inta mopirisaya.

GALATIA 3:14

Tua komintan inaidan i Kristus Yesus sinbá barakat inta pinodandi i Allah kon i Abraham ogoi doman kon intau mita inta deeman Yahudi. Natua in pinogogaid-Nea, sahingga kita inta mopirisaya kon i Allah, motaau motarima kon Roho inta pinodandi i Allah.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

GALATIA 3:7

Yo bá kotaauan monimu kon intau inta totu-totuu mopirisaya kon i Allah, yo mosia tua in buí i Abraham.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.