LUKAS 19:5 - Alkitab Singog In Mongondow Masa In Tanaa

⁵ Naonda in ki Yesus noiyaput kon pangkoi in kayu tatua, iḷumangag in Sia bo noguman, “Zakheus, ḷagidon poponag! Sin Akuoi in musti mongandup kon baḷoimu in singgai naa!”

LUKAS 19:5 Iomraidhean Croise

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEHEZKIEL 16:6

Onda intua noitaḻib in Akuoi bo inontong-Ku in iko noḻiai kon bonu in dugúmu, bo diábí pinomayá-Ku mako iko in minatoi.

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

LUKAS 19:2

Kon tua oyúon in intau tangoinea in ki Zakheus. Sia naa, itoi in mononagi kon pajak.

LUKAS 19:4

Dá noribatuk in sia inumuna kon intau mita tatua bo noponik kon pangkoi in kayu ara sinbá mokoontong kon i Yesus inta motoyongdon moitaḻib kon tua.

LUKAS 19:6

Dá pona-ponag in ki Zakheus bo notarima kon i Yesus takin pia in gina.

YOHANES 1:48

Dá ki Natanael in noḻibó kon i Yesus: “Naonda in kinototaau i Amá kon inakó?” Tubag i Yesus, “Wakutu in diápa inoiní i Pilipus in iko, inontong-Kudon iko kon ḻimonag in pangkoi ara tatua.”

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.