LUKAS 19:47 - Alkitab Singog In Mongondow Masa In Tanaa

⁴⁷ Pomuḷoi in singgai Sia mayá mobogoi in totundú kon bonu in Baḷoi Tuhan. Imang mita itoi bo mototundú mita kon agama takin itoi mita intau Yahudi moibogdon moḻimod kon i-Nia,

LUKAS 19:47 Iomraidhean Croise

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MARKUS 11:18

Singog-Nea tatua dinongog in imang mita itoi bo mototundú mita kon agama in Yahudi. Dá nomangkoidon in mosia motayak kon naonda in poḷoḻimod kon i Yesus. Mosia in moondok kon i-Nia sin bayongan intau mopia in gina mokodongog kon totundú-Nea.

MARKUS 12:12

Dá itoi mita Yahudi inta nokodongog kon poumpamaan tatua, moḷongasidon totok modomok kon i Yesus, sin kinotaauan monia kon poumpamaan tatua pinopomakusudbí i Yesus kon i monia. Táe moondok in mosia kon intau moantó. Dá sinaḷáanmai monia in ki Yesus.

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

MARKUS 14:49

Pomuḷoi in singgai Akuoi kon Baḷoi Tuhan bo motundúmai kon tayowon monimu, táe diábí domokon monimu. Táe totuu kon tua in mustibí mobaḻí, sinbá mobaḻí domandon onu inta pinais kon bonu in Buk Motusi.”

LUKAS 19:48

táe diápa kotaauan monia mongo naonda in pogogaid tua, sin bayongan intau umuranbí moibog mokidongog kon i-Nia, bo totok moibog in mosia in mokodongog kon singog-Nea mita.

LUKAS 20:19

Mototundú mita kon agama bo imang mita itoi in nonotaaudon kon poumpamaan-Nea tatua in pinomakusud-Neabí kon i monia, dá ḷongasiondon monia domokon in Sia kon dodai intua. Táe mosia in moondok kon intau mobayong tatua.

YOHANES 10:39

Buidon doman ramujion domokon monia in ki Yesus, táe diápa doman kinodomokan monia.

YOHANES 18:20

Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.

YOHANES 7:19

Degá diábí kinotaauan monimu kon ki Musa in nobogoidon in parenta mita i Allah kon i monimu? Táe diá in tobatúmai in kon sigad monimu in dinumudui kon parenta mita tatua. Nongonu sin moiko in moibogbí moḻimod kon i-Nakó?”

YOHANES 7:44

Oyúon in modomok kon i-Nia, táe diá tobatúmai intau in mokobaḻí mokadai kon i-Nia.