LUKAS 19:44 - Alkitab Singog In Mongondow Masa In Tanaa

⁴⁴ Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

LUKAS 19:44 Iomraidhean Croise

MAZMUR 137:9

Pia in kamang in intau inta nogamá kon adímu mita mointok bo nopogonag kon buḷud batu!

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 29:3

Ki Allah in monububí kon kotá tatua bo kopungon nongkon bayongan tampat.

YEREMIA 11:23

Akuoi in nonantúdon kon wakutunea mopoangoi in bodito kon intau mita in Anatot, bo aka moiangoidon in hukuman kon i monia tua yo diábí tobatúmai in kotaḻiban.”

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

MATIUS 24:2

Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

MARKUS 13:2

Tubag i Yesus, “Inontongmu bidon in bangunan mita inta noḷoben tatua toh? Táe diábí tobatúmai in batu mita tatua in pomayá mako moitudu mako kon tampatnea. Komintanbí daiton rumbunon.”

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

LUKAS 1:78

Ki Tuhan naton mopia in gina bo motabi doman totok. Sia in mamangoi sinbá mosaḷamat in kita. Sia naonda bo mata in singgai inta momuká doḷo-doḷom,

LUKAS 19:42

Bo poḷat nosingog, “Kaasí uḻe, mopiadon totok aka singgai in naa bo kotaauanmudon in onu inta motaau mokopoangoi kon dodamean! Táe tanaa iko in diábí mokoontong.

LUKAS 21:6

“Oyúonbí in wakutunea porumbunan kon onu inta inontong monimu tanion; diábí in tobatúmai batu in pomayápa mako in moiguntuḷ motompia kon tampatnea inta muna!”

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.