LUKAS 19:40 - Alkitab Singog In Mongondow Masa In Tanaa

⁴⁰ Dá ki Yesus in notubag, “Poguman-Kudon kon i monimu! Aka mosia naa bo kibio-biómaidon, yo batu bidon mita tanion in momaḷú.”

LUKAS 19:40 Iomraidhean Croise

MAZMUR 96:11

Koḷungangadon, ei ḷangit bo butá! Ponggonuaḷdon ei dagat bo bayongan in tombonunea!

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

HABAKUK 2:11

Nodapotbí in batu mita kon dinding momaḷú sin mongutuk kon inimu, bo oigi mita in baḷoi mopobaḷú in natua.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

PETRUS 2 2:6

Ná doman kotá in Sodom bo Gomora: nodait i Allah sinubá in kotá mita tatua sinbá mobaḻí contoh kon onu inta mobaḻí kon intau mita inta moraat.