LUKAS 19:35 - Alkitab Singog In Mongondow Masa In Tanaa

³⁵ Naonda in diniadon monia in keledai tatua kon i Yesus, intau mita nopoaip in jubah kon ḻikud in keledai tatua bo notuḷung nopoponik kon i Yesus kon keledai tatua.

LUKAS 19:35 Iomraidhean Croise

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

MATIUS 21:4

Soaḷ tatua in mobaḻí sinbá motompodon in Pirman inta pinoyaput i nabi nanaa,

MATIUS 21:7

Dinia monia in keledai kobaayan tatua takin ki adínea. Bodongka inaipan monia in pakeang monia, onda intua ki Yesus sinumakoi kon keledai tatua.

LUKAS 19:34

Dá mosia notubag doman nanaa, “Ki Tuhan moparaḷu.”

LUKAS 19:36

Kon wakutu in Sia sinumakoipa kon keledai tatua, intau mita nopoompatdon in jubah monia kon yuak in daḷan.

YOHANES 12:12

Nopoikoḷomai kon singgai intau moantó inta ain namangoi sin morame kon Singgai Moḷoben Paska in nokodongogdon kon ki Yesus niondon kon daḷan mopoangoi in Yerusalem.

YOHANES 12:14

Ki Yesus in nokodungkuḷ kon tobatú keledai inta noguodpa, bo sinumakoi in Sia kon keledai tatua. Dá nobaḻídon onu inta ain pinais kon bonu in Buk Motusi: