LUKAS 19:30 - Alkitab Singog In Mongondow Masa In Tanaa

³⁰ “Bayádon kon ḻipú inta kon tayowonmai nion, bo aka moiko bo tumuotdon kon ḻipú tatua, yo moiko in mokoontong kon ki adí in keledai tobatú inta kotogo-togot. Keledai tatua in diápa kon dodai in onda sinakoian in intau. Dá bukádon in keledai tatua bo dia mangoi.

LUKAS 19:30 Iomraidhean Croise

MATIUS 21:2

Takin koyow nanaa, “Bayádon in ḻipú inta kon tayowonmai tanion, kon tua moiko mokodungkuḷ kon keledai kobaayan tobatú inta kotogo-togot bo ki adínea in tua kon diugneamai. Bukádon keledai tatua bo diadon mangoi kon i-Nakó in keledai doyowa tatua.

LUKAS 19:29

Naonda in nodiugdon kon Betpage bo Betania kon Buḷud in Zaitun, Sia in nopotabá kon murí-Nea doyowa mayá umuna takin koyow nanaa,

LUKAS 19:31

Aka oyúon in moḻibó kon inimu nanaa, ‘Nongonu sin bukaanbí monimu in keledai tatua?’ Dá tubagai nanaa, ‘Ki Tuhan moparaḷu.’ ”

LUKAS 19:32

Bo minayádon murí-Nea doyowa tatua, bo onu in kinobayáan monia tua in totuubí kon ná inta pinoguman-Nea.

YOHANES 14:29

Tanaa in muna-Kudon potaau kon i monimu wakutu intua diápa mobaḻí, sinbá mopirisaya in moiko aka soaḷ tatua bo mobaḻídon.