LUKAS 19:26 - Alkitab Singog In Mongondow Masa In Tanaa

²⁶ Táe datu tatua in notubag, ‘Pokotorop: intau inta nobayongdon in kon inia, duganganbí bui. Táe intau inta diá in onu bo onu kon inia, yo onu in oyúonpa kon inia, gamáanbí doman.

LUKAS 19:26 Iomraidhean Croise

SAMUEL 2 7:15

Táe tabi-Ku kon inia in diábí moinggamá podudui in dandi-Ku. Dandi-Ku kon inia in umuran-Kubí kadaian, diábí ná inta ain pinomia-Ku kon i Saul inta ain inindoí-Ku nongkon ḷoḻitúannea sinbá iko in motaau mobaḻí datu.

MAZMUR 109:8

Biódon mako in kobiagannea ḷagi mobuit, bo ḷoḻitúannea gamáan in intau ibanea.

MATIUS 13:12

Intau inta oyúondon kon inia in duganganbí ogoian, sinbá sia in mokouḻí kon moiḻiu in kobayongnea. Táe intau inta diá in kon inia yo onupa inta kon inia yo daitondon gamáan.

MATIUS 21:43

“Dá toropdon,” guman i Yesus, “bayongan hak, saḷaku umat i Allah gamáan nongkon inimu bo ogoi kon bangusa inta moibog dumudui kon parenta mita i Allah. [

MARKUS 4:25

Sin kon intau inta oyúondon kon inia, ogoian in kobayongon; táe kon intau inta diá in kon inia, yo onuka in topiḻik kon inia yo gamáanbí doman.”

LUKAS 16:3

Bo norai in bendahara tatua kon bonu in ginanea, ‘Onu degá in pomiaan tanaa? Akuoi aindon pinogogai i tuangku. Momasoḷ, diá mokomampu in akuoi; mobaḻí moigum magí-mako kon daḷan, mooyá in akuoi.

LUKAS 19:25

Táe intau mita tatua in noguman, ‘Tuang, kon inia in mopuḷúdon in doit buḷawan.’

LUKAS 8:18

Manangka intua yo tarukiraai kopira onu inta ain dinongog monimu. Sin aka ki ine in oyúondon, yo kon inia tua in dugangan doman bui; táe ki ine in diápa, yo onu in oyúonpa kon inia gamáan domandon nongkon inia.”

OUMAN IN RASUL MITA 1:20

“Sin kon buk in Mazmur oyúon pinais nanaa, ‘Pomayádon mako sin ḻipú monia tua in moingongowbí; dikadon in tobatúmai in mogutun kon bonunea’ Oyúon doman in pinais nanaa, ‘Pomayádon mako in ḷoḻitúannea in gamáan in intau.’

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.

WAHYU 3:11

Akuoi in ḷagibí mamangoi! Ḷukadai kopira in onu inta oyúondon kon i monimu, sinbá diá tobatúmai in intau in mokoagow kon tombuinag kinountungan monimu.

SAMUEL 1 15:28

Bo noguman in ki Samuel kon inia, “Kon singgai in naa ki Tuhan ain nomerak kon dodatuan in Israel nongkon i Tuang, bo nobogoi kon intau ibanea inta mopia-pia nongkon i Tuang.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.