LUKAS 19:14 - Alkitab Singog In Mongondow Masa In Tanaa

¹⁴ Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

LUKAS 19:14 Iomraidhean Croise

SAMUEL 2 23:7

diábí tobatúmai in intau in moibog moḻiai aka diá kokada-kadai in kayu andeka uatoi. Intau mita tatua in moyompat kaanon in tuḷú.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

LUKAS 14:32

Aka korasaanmai bo diá mokomampu, yo tantú wakutu in saturu noyayúpa yo sia muna bidon mopotabá kon intaunea bo moguman kon moyodamedon.

LUKAS 19:13

Kon wakutu in diápa minayá, sia in nogoiní kon bobantungnea taya mopuḷú bo nobogoi in doit buḷawan tumongobatú kon i monia takin koyow nanaa, ‘Tanaa in doit pakédon monimu pobuká kon usaha kon wakutu in akuoi mayá.’

LUKAS 19:15

Táe umpakabí natua, sia in tatapbí doman binaḻí datu. Nopaḷut mako kon tua sia nobuidon mangoi, bo pinoki oiníneadon in bobantungnea mita inta ain inogoiannea in doit buḷawan tatua sin poindoian mongo tongonudon in kauntungan monia.

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

YOHANES 15:18

“Aka dunia naa mosaturu kon i monimu, yo toropdon kon Akuoi in muna bidon kinodoí in dunia.

SAMUEL 1 8:7

bo ki Tuhan in noguman, “Duduiaidon in bayongan inta pinoigum in bangusa tatua kon inimu. Sin deemanbí iko in kinodoí monia, táe Akuoibí. Doídon in mosia aka Akuoi in mobaḻí datu monia.