LUKAS 19:12 - Alkitab Singog In Mongondow Masa In Tanaa

¹² Ki Yesus in nongonguman nanaa, “Oyúon in tobatú intau moḷoben inta minayá in kotá inta noyayú sin baḻíon monia datu, mopaḷut mako kon tua sia in mobuidon mangoi kon ḻipúnea.

LUKAS 19:12 Iomraidhean Croise

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

MARKUS 12:1

Noiduduimai kon tua ki Yesus mulaidon bui nosingog takin nomaké in poumpamaan kon imang mita itoi, guru mita in agama bo itoi mita intau Yahudi. Kai-Nia, “Oyúon tobatú intau nomuḷa kon anggur kon gobánea. Gobá tatua iḻibunea sinondok. Bo pinogaidannea doman kon tampat pomomugutan kon bungai in anggur. Sia nogaid doman kon ḷangkeang poḷoḷukadan. Onda intua pinotomoyónea in gobá in anggurnea tatua kon tongonumai intau mototomoyó bodongka minayá in sia kon ḻipú inta moyayú.

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

LUKAS 20:9

Ki Yesus in nongonguman doman kon intau mita tatua kon poumpamaan tanaa, “Oyúon in intau in nogaid kon gobá bo pinomuḷaannea kon anggur. Onda intua pinotomoyónea kon mototomoyó mita bodongka minayá in ḻipú ibanea noonggot kon tua.

LUKAS 24:51

Koyogotpa in Sia nomarakat, indoianmai yo noibingkatdon in Sia minayá in soroga, bo noitondídon in Sia kon i monia.

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.

WAHYU 1:7

Indoiai, Sia in mamangoi inoḻiungan in goḷom! Bayongan intau mokoontongbí kon i-Nia, noitakin doman in mosia inta nonakuḷ kon i-Nia. Bayongan in intau kon dunia naa komintanbí mogamui lantaran Sia. Nopasti bidon intua! Amin!