LUKAS 18:4 - Alkitab Singog In Mongondow Masa In Tanaa

⁴ Aindon kotongonu degá in bobay tatua in mayámai kon hakim tatua táe umuranbí doman doí motuḷung in hakim tatua kon inia. Táe pangabisannea hakim tatua in norai nanaa, ‘Umpakabí akuoi naa diá moondok kon i Allah bo diá doman mopandung kon tumpaḷa intau,

LUKAS 18:4 Iomraidhean Croise

LUKAS 12:17

Intau tatua umuran morai kon bonu in gina, kainia, ‘Tampat potagúanku kon hasil in gobáku, diádon tugat. Naondapa degá in dayaku bá tugatan?’

LUKAS 16:3

Bo norai in bendahara tatua kon bonu in ginanea, ‘Onu degá in pomiaan tanaa? Akuoi aindon pinogogai i tuangku. Momasoḷ, diá mokomampu in akuoi; mobaḻí moigum magí-mako kon daḷan, mooyá in akuoi.

LUKAS 18:2

Ki Yesus in noguman, “Aka tobatú kotá oyúon in hakim inta diá moondok kon i Allah bo diá doman mopandungmai kon kasusahan in intau.

LUKAS 18:3

Kon tua oyúon doman in intau inta dongkadon boba-bobay. Sia in umuran mamangoi kon hakim tatua bo moguman kainia, ‘Tuḷungaipa in akuoi nongkon oaid in saturuku.’

LUKAS 20:13

Pangabisannea ki togi gobá in norai nanaa, ‘Onupa degá in aidanku? O, potabákudon in ki adíku inta kotabi-tabiku. Aka sia yo pasti kon moinsim in mosia!’

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.

HAKIM MITA 14:17

Pitu nosinggai in koonggot in bobutungan tatua, bo ki buḷoi Simson in tantú domandon mongombaḷ. Bo popisí in sia tantúdon mopoigum, dá kon singgai noginpitu, ki Simson nopotaaudon in mangaḻe in tangkí tatua kon inia. Bo ki buḷoi Simson in nopotaau in mangaḻenea tatua kon intau mita in Pilistin.