LUKAS 18:39 - Alkitab Singog In Mongondow Masa In Tanaa

³⁹ Intau mita kon muna sinumorú kon inia noguman kon inia kon kibio-biómai. Táe tongábí nodugang noropot in kuaninea, “Adí i Daud! Kotabipa in akuoi naa!”

LUKAS 18:39 Iomraidhean Croise

MAZMUR 141:1

Mazmur i Daud. Akuoi in mokuani kon ini-Mu, o Tuhan, ḷagidon tuḷungai kaasí in akuoi! Indongogaipa kaasí in akuoi aka mokuani kon ini-Mu.

MATIUS 7:7

“Poigumdon, dá ogoianbí in moiko. Potayakdon, dá mokouḻí bí in moiko. Ponangkokódon, dá pobukatanbí in moiko kon ḷoḻingkop.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

LUKAS 11:52

Koboditodon in moiko mototundú mita kon agama! Sin kokunsi pobuká kon pongotahuan sinagúdon kon i monimu, táe moiko tontaní in diá moibog tumuot kon bonunea sin motayak kon pongotahuan tatua. Nodapot in moiko in tongábí mobaḻí ḷonggai kon intau mita inta moramuji tumuot kon bonunea!”

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

LUKAS 18:15

Oyúon in intau namangoi kon i Yesus bo nodia kon mongoadí mita sinbá kadaian-Nea mita i mosia bo barakatan. Nokoontongmai kon natua, murí-Nea mita sinumorú kon intau mita tatua.

LUKAS 18:38

Dá intau bilog tatua in baḷú bo nomaḷú, “Yesus Adí i Daud! Kotabipa in akuoi naa!”

LUKAS 18:40

Dá ki Yesus in sinumogon bo noguman, “Dia mangoi kon naa in intau tatua.” Bo naonda in noiyaputdon kon i-Nia, ki Yesus in noḻibó kon inia,

LUKAS 19:39

Tongonumai intau in Parisi inta noitakin kon intau moantó tatua in noguman kon i Yesus, “Pak Guru, pokigogaiaidon momaḷú in dumodudui-Mu mita tanion.”

LUKAS 8:49

Koyogotpa in ki Yesus nosingog, namangoi in tobatú ginaḷum i Yairus bo noguman kon i Yairus, “Ki adí i Tuang minatoidon. Dá donaaidon in ki Tuang mamangoi bo mokiposusamai kon i Pak Guru!”

KORINTUS 2 12:8

Ain kotoḷu in akuoi nopoigum kon i Tuhan sinbá inggamáan-Neadon nongkon awakku in panyaki tatua.