LUKAS 18:37 - Alkitab Singog In Mongondow Masa In Tanaa

³⁷ Dá kain tubag doman monia kon intau bilog tatua, “Ki Yesus intau in Nazaret noitaḻib.”

LUKAS 18:37 Iomraidhean Croise

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

LUKAS 18:36

Wakutu in dinongognea kon nobayong in intau noitaḻib, sia noḻibó, “Onu in nobaḻí?”

LUKAS 18:38

Dá intau bilog tatua in baḷú bo nomaḷú, “Yesus Adí i Daud! Kotabipa in akuoi naa!”

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

YOHANES 19:19

Kon dotá omonikan kayu inta pinopopakúan kon i Yesus pinoki popakúan doman i Pilatus in kayu topongkó inta pinaisan, “Ki Yesus Intau Nazaret, Datu in Yahudi.”

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

OUMAN IN RASUL MITA 4:10

dá tanaa in pogumankudon kon i monimu bo kon bayongan intau in Israel, kon intau tanaa in nokosindogdon bo nosehatdon in indoian mako monimu popisí in ropot bo kawasa i Yesus Kristus intau in Nazaret inta ain pinopopakú monimu kon kayu pinoyotaḻempang, táe bui biniag i Allah in Sia nongkon sigad in intau minatoi.

KORINTUS 2 6:2

Sin ki Allah ain noguman nanaa, “Kon wakutu inta kinoibog-Ku, Akuoi in nongindongogdon kon i monimu, bo kon singgai in akuoi moposaḷamat, Akuoi in motuḷung kon inimu.” Pokotorop kopia, masa in tanaa ain bidon wakutu inta kinoibog-Ku tua, bo tanaa bidon mako in singgai poposaḷamatan tatua!