LUKAS 18:35 - Alkitab Singog In Mongondow Masa In Tanaa

³⁵ Naonda in ki Yesus nodiugdon kon Yerikho, oyúon in tobatú intau bilog inta iḻimitú mako kon bingkí in daḷan bo moigumai kon doit kon bayongan intau inta moitotaḻib kon tua.

LUKAS 18:35 Iomraidhean Croise

MATIUS 13:4

Kon wakutu in sia nogambor oyúon batoḷ in noḷabú kon bingkí in daḷan. Bo ḷagapan in namangoi bo kinaannea nodait intua.

LUKAS 18:36

Wakutu in dinongognea kon nobayong in intau noitaḻib, sia noḻibó, “Onu in nobaḻí?”

LUKAS 19:1

Naonda in ki Yesus noyaputdon kon Yerikho, Sia minayá turus bo diá nongandu-ngandup kon kotá tatua.

YOHANES 9:8

Táe topodiugnea mita bo intau mita inta nokoimontandon nokoontong kon inia ḻimitúmai bo moigum kon doit kon intau inta moitaḻibmai, komintan noguman, “Aka diá moitaḷá siabí tanaa inta biasamai tumompoḻitúanmai bo moigum kon intau moitaḻib?”

OUMAN IN RASUL MITA 3:2

Kon tua oyúon in tobatú ḷoḷaki inta ḻempeng nongkon noilahirpamai. Pomuḷoi in singgai umuran in sia buḻigan intau pobayá in diugmai in ngara in Baḷoi Tuhan, ngara tatua sinangoian “Ngara mogaga”. sia in dinia minayá intua sin mopoigum in totabi kon intau mita inta tumuot kon Baḷoi Tuhan tatua.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.