LUKAS 18:32 - Alkitab Singog In Mongondow Masa In Tanaa

³² Sia in posarakandon kon intau mita inta diá nonotaau kon i Allah, poyambáon monia in sia, singkuḻeon bo duyáan monia.

LUKAS 18:32 Iomraidhean Croise

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

YESAYA 52:14

Dungkuḷmai nobayong in intau in noitaḻikokog in nokoontong kon inia, pogotnea in pinoguyaat dá deemandon ná pogot in intau.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

MIKHA 5:1

Ki Tuhan in noguman, “Ei Betlehem Eprata, iko in kotá tobatú inta nointok kon Yohuda! Táe nongkon inimu posindogon-Kubí mangoi in pongawasa kon Israel inta kinobaḻiannea in nongkon dungkuḷpabímai.”

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 20:19

moiduduimai kon tua mosia moposarakan kon i-Nia kon intau mita inta diá nonotaau kon i Allah. Sinbá poyambáan monia in Sia, rorigaan, bodongka popopakú kon kayu pinoyotaḻempang. Táe kon singgai intoḷunea biagondon bui in Sia.”

MATIUS 22:6

bo oyúon doman in nodomok kon bobantungnea mita bo pinogutú poḷat iḻimod.

MATIUS 26:67

Bo dinuyáan poḷat kinoyungkuman monia in pogot-Nea; intau mita ibanea nomongkug doman kon i-Nia,

MATIUS 27:2

Sinogot monia in Sia, bo dinia pinosarakan kon i Pilatus, gubernur kon butá tatua.

MARKUS 14:65

Bo tongonumai intau nomangkoidon nonduyá kon i Yesus. Pinomponan monia i mata-Nea bo binongkug, nopaḷut mako bo moḻibó, “Pogumanka, ki ine in nomongkug kon ini-Mu?” Tontara mita moḷoḷukad nonokap doman kon i-Nia.

MARKUS 15:1

Subupa totok, bayongan Mahkama Agama, imang mita itoi bo itoi mita intau in Yahudi bo mototundú mita kon agama nogaid kon pinoyodungkuḷan motoyong. Onda intua sinogot monia in ḻima i Yesus bo dinia pinosarakan kon i Pilatus.

LUKAS 18:33

Pogutúon monia in Sia bo poḷat ḻimodon, táe kon singgai intoḷunea, Sia in mobiag bui.”

LUKAS 23:1

Bo sinimindogdon in intau mita kon tua bo nodia kon i Yesus pinobayá kon tayowon i Pilatus.

LUKAS 23:11

Ki Herodes bo tontaranea mita nopoyambá bo noningkuḻe kon i Yesus. Pinopopakéan monia in ḷambung Datu in Sia, onda intua pinoki dia bui monia minayá kon i Pilatus.

LUKAS 23:35

Intau mita in sinimindog mako kon tua bo moindoimai. Itoi mita intau Yahudi umuran morebeg kon i-Nia takin mosingog, “Sia ain noposaḷamat kon intau ibanea; diábí bo tungkuḷan-Nea in tanaa mako bo posaḷamaton in awak-Nea tontaní aka totu-totuubí kon Sia in Datu Mopoposaḷamat inta piniḻí i Allah!”

YOHANES 18:22

Naonda in ki Yesus nosingog natua, tobatú pongawal kon diug-Neamai nonokap kon i Yesus bo poḷat noguman, “Mobaranibí totok in Iko in mosingog natua kon i imang moḷoben!”

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 18:30

Mosia in notubag, “Aka Sia diá kotaḷá, dá tantú diábí dinia mangoi nami kon i Gubernur.”

YOHANES 18:32

Naa in nobaḻí sinbá mobaḻídon onu inta ain pinoguman i Yesus soaḷ kopopatoi-Nea.)

YOHANES 18:35

Ki Pilatus in notubag, “Degá akuoi naa intau Yahudi? Mosia inta nodia kon ini-Mu pinoangoi kon inakó in intaubí mita tobangusa-Mu bo imang mita itoi. Yo onu degá in inaidan-Mu?”

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

OUMAN IN RASUL MITA 3:13

Ki Allah inta sinumba i Abraham, i Ishak, i Yakub bo in mogoguyang naton tua in ki Allahbí inta nopomulia kon simpaḷ-Nea inta ki Yesus Kristus. Ki Yesus tua inta pinosarakan bo inta diá sinarima monimu kon tayowon i Pilatus umpakabí kai Pilatus in buḻiandon in Sia.