LUKAS 18:27 - Alkitab Singog In Mongondow Masa In Tanaa

²⁷ Ki Yesus in notubag, “Inta diá motaau aidan in intau, mogampangbí i Allah aidan!”

LUKAS 18:27 Iomraidhean Croise

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

ZAKHARIA 8:6

Soaḷ tatua in koontongan diá kumaan kon akaḷ kon intau mita inta nobiagpa nongkon bangusa tanaa, táe diábí in diá kumaan kon akaḷ-Ku.

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

LUKAS 1:37

Sin aka kon i Allah, diábí in diá motaau aidan-Nea.”

LUKAS 18:26

Intau mita inta nokodongog kon singog i Yesus tatua in noḻibó bui kon i Yesus nanaa, “Aka natua dá ki ine in posaḷamaton?”