LUKAS 18:16 - Alkitab Singog In Mongondow Masa In Tanaa

¹⁶ Táe inoiní i Yesus in mongoadí mita tatua bo noguman kon murí mita, “Pomayá mako in mongoadí mita tanion in mamangoi kon i-Nakó! Donaai ampagan, sin intaubí ná mita nion in mobaḻí umat i Allah.”

LUKAS 18:16 Iomraidhean Croise

KINOBAḺIAN 21:4

bo naonda in ki Ishak umurdon waḷu nosinggai, sinoit i Abraham in adí tatua, podudui in parenta i Allah.

TAWARIKH 2 20:13

Kon dodai intua bayongan in ḷoḷaki in Yohuda takin buḷoi bo adí monia sinimindog kon Baḷoi Tuhan.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

MATIUS 19:14

Táe ki Yesus in noguman, “Pomayádon mako in mongoadí mita tanion mamangoi kon i-Nakó! Donaai toko ḷamboian in mosia, sin intau mita inta ná mosia tua in mobaḻí umat i Allah.”

LUKAS 18:15

Oyúon in intau namangoi kon i Yesus bo nodia kon mongoadí mita sinbá kadaian-Nea mita i mosia bo barakatan. Nokoontongmai kon natua, murí-Nea mita sinumorú kon intau mita tatua.

LUKAS 18:17

Torop kopira in singog-Ku naa, “Intau inta mamangoi kon i Allah táe diá ná mongoadí mita tanaa, yo mosia in diábí mobaḻí umat i Allah.”

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

KORINTUS 1 7:14

Tantú ḷoḷaki tatua in motaaubí mobaḻí umat i Allah sin aindon notonibuḷoi takin intau inta ain nobaḻí umat i Allah. Natua doman in buḷoi bobay, tantú motaau bidon doman mobaḻí umat i Allah sin ain notonibuḷoi in intau inta ain nobaḻí umat i Allah. Sin aka diá natua, yo tantú ki adí mita monia in naonda bo ki adí mita in intau inta diá nonotaau kon i Allah, táe aka duduian monimu in tongginaku naa, yo ki adí mita monimu tua in mobaḻí bidon umat i Allah.

ULANGAN 29:11

bobay, mongoadí bo bayongan intau ango-angoi inta nogutun kon sigad monimu bo motuḷung kon i monimu momongkó kon kayu bo momotaan kon tubig.

ULANGAN 31:12

Potabádon in bayongan intau ḷoḷaki, bobay bo mongoadí mita takin intau ango-angoi inta nogutun kon kotámu mita moyosipun sin mokidongog kon pobacaan tatua, sinbá mosia mobalajar mohoromat kon i Tuhan Allahmu poḷat mosatia in dumudui kon parenta-Nea mita.

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.