LUKAS 18:15 - Alkitab Singog In Mongondow Masa In Tanaa

¹⁵ Oyúon in intau namangoi kon i Yesus bo nodia kon mongoadí mita sinbá kadaian-Nea mita i mosia bo barakatan. Nokoontongmai kon natua, murí-Nea mita sinumorú kon intau mita tatua.

LUKAS 18:15 Iomraidhean Croise

LUKAS 18:16

Táe inoiní i Yesus in mongoadí mita tatua bo noguman kon murí mita, “Pomayá mako in mongoadí mita tanion in mamangoi kon i-Nakó! Donaai ampagan, sin intaubí ná mita nion in mobaḻí umat i Allah.”

LUKAS 9:54

Nokotaaumai kon natua in ki Yakobus bo ki Yohanes inta murí i Yesus, mosia in noḻibó nanaa, “Tuhan, moibog degá in ki Tuhan bá poigumon nami in tuḷu moḷabú nongkon ḷangit bo momutú kon i monia komintan?”

SAMUEL 1 1:24

Naonda in ki Samuel ginuatdon kon teté, inatod i inánea in sia kon Baḷoi i Tuhan kon Silo. Kon dodai intua nointokpa totok in sia. Ki Hana in nodia domandon kon sapi koḷakian tobatú inta umurdon toḷu notaong, gandum mopuḷú nokilo, bo botutu kuḻit tobatú inta nopuḻing in anggur.

SAMUEL 1 1:25

Sapi tatua in iratá, bo ki Samuel in inatod kon i Eli.