LUKAS 18:14 - Alkitab Singog In Mongondow Masa In Tanaa

¹⁴ “Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

LUKAS 18:14 Iomraidhean Croise

AYUB 22:29

Intau inta mokaḷakuang pinoompá i Tuhan, táe inta moompá in gina in posaḷamaton.

AYUB 25:4

Degá intau motusi kon mata i Allah? Degá nodarit kon tayowon-Nea?

AYUB 9:20

Akuoi in motoindudui bo diá nogaid kon dosa, táe bibigku naonda bo moguman kon inta noyoposi kon tua; pomuḷoi in singog inta momuká kon bibigku, naonda bo mopotaḷá kon inakó.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 25:7

Mopia-piabí kon pokipoḻitúan kon tampat inta mopia-pia dika pokipomampingan kon ḷoḻitúan sin ḻitúan in intau inta kon ḻimonikanmu.

AMSAL 29:23

Intau moḷoḷatú in poompáanmai; intau inta moompá in gina in dayowon.

AMSAL 3:34

Ki Tuhan in doíbí kon intau inta motosiḷantud, táe momarakatbí kon intau inta moompá in dodia.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

MATIUS 23:12

Bo ki ine in mosiḷantud, yo sia in poompáan bo ki ine moompá in dodia yo sia tua in poḷantudon.”

MATIUS 5:3

“Pia in kamang in intau inta nobogá kon tayowon i Allah, sin mosia tua inta mobaḻí umat i Allah.

LUKAS 1:52

Datu mita in dunia naa poponagon-Nea mita nongkon tampat pomomarentaan monia, táe intau mita inta moompá in dodia in poḷantudon-Nea.

LUKAS 10:29

Táe mototundú kon agama tatua doí taḷowon, dá sia in noḻibó bui kon i Yesus, “Ki inebí inta sinangoi tumpaḷa intau?”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

SURAT I PAULUS KON JAMAAT RUM 4:5

Táe oyúon in intau inta diábí tumogot kon usahanea tontaní; sia in moposarakanbí in kobiagan-Nea kon i Allah inta moposaḷamat kon intau mita baradosa. Dá pirisayaneabí tatua in nobaḻí dodoyonan pinotarimaan i Allah kon inia saḷaku intau inta mokosanang kon gina-Nea.

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

SURAT I PAULUS KON JAMAAT RUM 8:33

Ki ine in motaau mogugat kon i naton umat inta piniḻí i Allah, aka ki Allah tontaní in nonantú kon kita in diábí kotaḷá?

GALATIA 2:16

Umpaka natua yo kinotaauanbí nami kon diábí in tobatúmai intau in posaḷamaton i Allah sin dinumudui kon hukum i Musa. Táe intau posaḷamatonbí sin pirisaya kon i Yesus Kristus. Tuamai kami tontaní in nopirisayadon kon i Yesus Kristus, sinbá kami in posaḷamaton doman, deemanbí posaḷamaton sin dinumudui kon onu inta kon hukum i Musa.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

SAMUEL 1 1:18

Tubag i Hana, “Igumon mako in akuoi mokouḻí kon totabi i Amá.” Onda intua minayá in sia, bo nongaan; bo diádon noajar in ginanea.