LUKAS 18:12 - Alkitab Singog In Mongondow Masa In Tanaa

¹² Akuoi in mopuasa kodua in todiminggu, bo kon pomuḷoi in diminggu akuoi in umuran mobogoi in mopuḷú noporsen nongkon onu inta nouḻíku.’

LUKAS 18:12 Iomraidhean Croise

DATU MITA 2 10:16

poḷat noguman, “Koḻigai dudui bo indoiai tontaní naonda in akuoi dumudui kon onu inta pinoguman i Tuhan.” Bo noyotakindon in mosia sinumakoi kon kereta minayá in Samaria.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

MALEAKHI 3:8

Tanaa in Akuoi moḻibó kon inimu: Motaau degá akaḷan in intau in ki Allah? Notantúbí kon diá. Táe moiko in monguboḷbí doman kon i-Nakó. Moiko in moḻibó, ‘Naonda?’ Tubag-Ku: Kon daḷom in moguboḻi kon mopuḷú noporosen bo mobogoi in sosumba.

PINOGIAPAN 18:24

sin inta nobaḻí tonsilai kon i monia ogoi-Kudon in bayongan sosumba mopuḷú noporsen inta pinosumba in intau Israel kon i-Nakó nobaḻí oogoi inta ain sinantú. Tuamai Akuoi in moguman kon intau in Lewi kon mosia in diábí mokouḻí kon tonsilai kon Israel.”

PINOGIAPAN 23:4

bo kon tampat tatua ki Allah namangoi kon inia. Guman i Bileam kon i Allah, “Akuoi ain noposindog in mezbah pitu bo noposumba domandon in sapi koḷakian tobatú bo domba koḷakian tobatú kon batúan in mezbah tatua.”

MATIUS 5:20

Tuamai, Akuoi in mosingog kon inimu: Aka iko bo diá mogaid kon onu inta kinoibog i Allah moiḻiu kon mototundú mita kon agama in Yahudi bo intau mita in Parisi, yo moiko in diábí mobaḻí umat i Allah.”

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

MATIUS 6:5

“Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia.

MATIUS 9:14

Onda intua namangoidon murí mita i Yohanes kon i Yesus bo noḻibó, “Nongonu sin kami bo intau mita in Parisi in mopuasabí, táe murí-Mu mita in diábí?”

LUKAS 11:42

Koboditodon in moiko intau mita in Parisi, sin pododungú mita, pogamaan monimu kon mopuḷú noporsen sin posukur, táe oaid mita moadil bo tabi kon i Allah in iḻiongdon monimu. Aka mogaid kon tobatú, yo ibanea in dikabí koḻiongan.

LUKAS 17:10

Natua doman in moiko. Aka inaidandon mita monimu in onu inta pinoki aid kon i monimu yo singogdon nanaa, ‘Kami naa in tongábí bobantung mita inta diá in baragunanea; kami in tongábí mogaid kon onu inta pinoki aid kon inami.’ ”

SURAT I PAULUS KON JAMAAT RUM 3:27

Manangka intua diábí in dodoyonan naton dumodia. Nongonu sin natuabí? Popisí degá kita in dinumuduidon kon onu inta pinais kon hukum agama in Yahudi? Deemanbí! Táe popisíbí in kita mopirisaya.

KORINTUS 1 1:29

Tuamai in diábí tobatúmai intau in motaau kumaḷakuang kon i Allah.

GALATIA 1:14

Bo aka tongá mopobayá in parenta in agama Yahudi, yo noiḻiubí in akuoi kon intau mita in Yahudi inta topobiagku. Bo akuoi in totok doman moḷukad kon adat in mogoguyang nami.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

SAMUEL 1 15:13

Naonda in ki Samuel noyodungkuḷ i Saul, ki Saul noguman kon inia, “Poigumon mako ki Tuhan momarakat kon i Amá! Akuoi ain nogaid kon onu inta pinarenta i Tuhan.”