LUKAS 18:10 - Alkitab Singog In Mongondow Masa In Tanaa

¹⁰ Ki Yesus in noguman, “Oyúon intau doyowa minayá in Baḷoi Tuhan sin mosambayang. Tobatú intau in Parisi, tobatú in mononagi kon pajak.

LUKAS 18:10 Iomraidhean Croise

DATU MITA IMITÁNEA 10:5

pogogaid in pogawainea mita kon komaḻignea, bo pakeang moyotakin bo baḷoi mita monia. Inindoiannea doman in kaanon bo oinumon inta inoḷud, pononoḻisí in bobantung mita kon rame, bo kuruban mita inta pinosumba i Salomo kon Baḷoi Tuhan. Bayongan intua nokoherang nodapot in noitongau in ki datu bobay nongkon butá in Syeba tatua.

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

DATU MITA 2 20:8

Ki Datu Hizkia in noḻibó, “Onu in mobaḻí tomponuot kon ki Tuhan in mongundamdon kon inakó bo toumá in akuoi in motaaudon bui mayá in Baḷoi Tuhan?”

MATIUS 10:3

Ki Pilipus bo ki Bartolomeus, ki Tomas bo ki Matius inta mononagi kon pajak, ki Yakobus ki adí i Alpeus, ki Tadeus;

LUKAS 19:46

Sia in noguman kon i monia nanaa, “Oyúon in pinais nanaa: Ki Allah in noguman, ‘Baḷoi-Ku in mobaḻíbí Baḷoi Pososambayangan.’ Táe naa in binaḻí bidon monimu pugad in mogogagow!”

OUMAN IN RASUL MITA 26:5

Ain noonggot in mosia nonotaau kon inakó. Bo aka mosia in moibog, mosia in motaaubí mobogoi in katarangan kon nongkon dungkuḷpabímai akuoi in nobiag saḷaku intau in Parisi bo akuoi in totokbí in dinumudui kon atorang mita in agama nami.

OUMAN IN RASUL MITA 3:1

Kon singgai tobatú wakutu in orasdon posambayangan sin aindon jam nogintoḷu ḷoḷabungnea, ki Petrus bo ki Yohanes in minayá sinumuot kon Baḷoi Tuhan.

PILIPI 3:5

Akuoi naa in sinunatbí doman wakutu in umurpa waḷu nosinggai. Akuoi in pinononggadí saḷaku intau in Israel, nongkon suku i Benyamin; akuoi in taakanpabí intau in Ibrani. Bo aka soaḷ kododudui kon hukum mita in agama Yahudi, yo akuoi naa in noigolong kon intau in Parisi.