LUKAS 17:6 - Alkitab Singog In Mongondow Masa In Tanaa

⁶ Tubag i Tuhan, “Aka oyúon in pirisaya monimu tongákabí ná koḷoben in batoḷ in sesawi, yo moiko in motaaubí moguman kon pangkoi in kayu inta moḷoben tatua, ‘Korabutdon in iko bo kobiagdon kon bonu in dagat,’ dá pangkoi in kayu tatua in dumuduibí doman kon singogmu.”

LUKAS 17:6 Iomraidhean Croise

MATIUS 14:29

Ki Yesus notubag, “Angoidon!” Dá ki Petrus noponag kon uangga, bo minayá kon i Yesus nongin tudu in tubig.

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 21:21

Ki Yesus notubag kon i monia, “Poguman-Ku kon i monimu, aka moiko bo totu-totuu mopirisaya bo diá mohawatir, yo moiko in deemanbí tongá motaau mogaid kon ná inta pinomia-Ku kon pangkoi in ara tatua, táe moiko motaaubí doman moguman kon buḷud tanaa, ‘Pobuatdon nongkon tampatmu tanion bo koḷabúdon kon bonu in dagat’; yo mobaḻíbí doman intua.

MARKUS 4:31

Aka ki Allah momarenta, yo kaadaan-Nea in naonda bo poumpamaan tanaa: Tobatú batoḷ in sesawi ginamá in intau tobatú bo pinomuḷanea kon butá. Batoḷ in sesawi naa in batoḷbí inta paling mointok nongkon bayangan batoḷ kon dunia naa.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

LUKAS 13:19

Kaadaannea tua in naonda bo batoḷ in sesawi, inta ginamá in intau bo pinomuḷa kon gobánea. Batoḷ tatua in nobiag simimpangkoi, dá angoian in ḷagapan bo ponompugadan in pangkoinea.”

LUKAS 17:7

“Aka kuma bo kon sigad monimu nion kobobantung inta nomajeko kon gobá andeka noḷukad kon domba, bo aka bobantung tatua mobuidon mangoi, yo degá moiko in moguman nanaa, ‘Igai bá mongaandon’?

LUKAS 19:4

Dá noribatuk in sia inumuna kon intau mita tatua bo noponik kon pangkoi in kayu ara sinbá mokoontong kon i Yesus inta motoyongdon moitaḻib kon tua.

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

LUKAS 7:19

bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!