LUKAS 17:34 - Alkitab Singog In Mongondow Masa In Tanaa

³⁴ Pirisayaai in singog-Ku tanaa: Kon doḷom kobaḻían intua, oyúon doyowa intau in nosiug toḷantaan. Tobatú in diaan, tobatú in taḷaan.

LUKAS 17:34 Iomraidhean Croise

MAZMUR 26:9

Dika moḻimod kon inakó takin intau binaradosa, andeka morabut kon nyawaku takin moḷoḻimod.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

YESAYA 42:9

Tanaa in inta sinoḻindap-Ku in noniatadon; Akuoi in moibog mopotaau in onu inta mobagu; kon dodai intua diápa mobaḻí, aindon muna pinoguman-Ku kon inimu.”

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

MATIUS 24:25

Tarukira inta pinoguman-Ku muna kon i monimu.

MARKUS 13:23

Dá, tuamai mokopoingatdon! Tua komintan nodait-Kudon pinoguman kon i monimu wakutu in diápa mobaḻí intua.”

MARKUS 14:29

Dá ki Petrus in nosingog, “Diá ah, biarbí taḷaanmai monia in ki Amá, táe akuoi in doíbí monaḷámai.”

LUKAS 13:24

“Poramujidon tumuot kon ngara inta mosisí! Sin pokoingat! Mobarongdon totok in intau moramuji in tumuot kon daḷan tatua táe diá mokotuot.

LUKAS 13:3

Diáa! Táe pokotoropdon in moiko: aka moiko bo diá mogogai in mogaid kon dosa, yo moiko in moputúbí komintan, naonda bo mosia.

LUKAS 13:5

Diáa! Komintanpa doman in poguman-Ku kon i monimu: Aka moiko bo diá mogogai in mogaid kon dosa, yo moiko in moputúbí doman ná mosia.”

LUKAS 17:33

Intau inta moramuji totok moposaḷamat in nyawanea, yo sia in kobuḻian in nyawanea, táe intau inta kobuḻian in nyawanea sin dinumudui kon i-Nakó, sia in mosaḷamatbí.

LUKAS 17:35

Doyowa in bobay inta koyogot mogiḻing kon gandum, tobatú in diaan, tobatú doman in taḷaan. [

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,