LUKAS 17:21 - Alkitab Singog In Mongondow Masa In Tanaa

²¹ dá intau in moguman nanaa, ‘Indoiaika, sia in naa!’ andeka, ‘Kon tua in dia!’ Sin ki Allah in nomangkoidon nomarenta kon yua-yuak monimu.”

LUKAS 17:21 Iomraidhean Croise

MATIUS 12:28

Táe aka Akuoi moguntun kon dimukud moraat takin nomaké in kawasa Roho i Allah. Yo tua in mangaḻenea ki Allah aindon namangoi nomarenta kon i monimu.

MARKUS 13:21

Kon wakutu intua aka oyúon intau in moguman kon i monimu, ‘Indoiai, Ki Datu Mopoposaḷamat kon naa!’ ande ‘Indoiai, kon tua in Sia!’ – dikabí mopirisaya kon intau tatua.

LUKAS 17:23

Táe oyúon intau in moguman kon i monimu nanaa, ‘Indoiai, kon tua in sia!’ andeka ‘Indoiai, kon naa in dia!’ Táe dikabí in moiko ḷumuai bo motayak kon i-Nia.

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

YOHANES 1:26

Ki Yohanes in notubag, “Akuoi in mopobaptis in tubig. Táe kon yua-yuak monimu, oyúon in tobatú intau inta diá kinotaauan monimu.

YOHANES 18:36

Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.