LUKAS 17:14 - Alkitab Singog In Mongondow Masa In Tanaa

¹⁴ Dá ki Yesus in nobobui kon i monia bo noguman, “Bayádon bo pokiindoi kon i imang mita in awak monimu nion.” Bo kon daḷanpa in mosia, nopiadon takit monia tua.

LUKAS 17:14 Iomraidhean Croise

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

LUKAS 5:14

Tongá diá inogoi Yesus in intau tatua moguma-guman mako kon intau ibanea kon onu inta ain inaidan-Nea tua. Táe pinotabá-Nea in intau tatua, “Bayádon in iko kon i imang bo ḻibó poḷat pokitantú kon inia kon iko in totu-totuu bidon nopia. Mopaḷut mako kon tua bayá in iko pobogoi kon kuruban ná inta pinarenta i Musa, sin tua in mobaḻí bukti kon intau mita kon iko in totu-totuu bidon nopia.”

YOHANES 11:10

Táe intau inta mayá doḷom in moipintudbí, sin diá in bayag kon inia.”

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

YOHANES 9:7

Onda intua pinoyapu-Nea kon mata intau bilog tatua, poḷat noguman, “bayádon pongiamot kon tabang Siloam.” (Siloam mangaḻenea ‘Pinotabá’.) Dá intau tatua in minayádon doman nongiamot. Dodai in sia nobuidon mangoi, sia in nokoontongdon.