LUKAS 16:9 - Alkitab Singog In Mongondow Masa In Tanaa

⁹ Bo ki Yesus in bui noguman, “Indongogai in naa! Pakédon in kapunyaan kon dunia potayakan kon yobayat, sinbá aka kapunyaan tatua bo diádon in mangaḻenea, yo moiko in tantúbí tarimaan kon tampat inta mononoi.

LUKAS 16:9 Iomraidhean Croise

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

AMSAL 14:24

Intau mobijaksana dinayow popisí in kabijaksanaannea, intau bodok ponango-nangoian popisí in kobobodoknea.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

MOHOHUTUBA 11:1

Paké in doitmu kon totayakmu kon ḷuai in ḻipú. Notantúbí kon mokouḻí in iko kon untung kon singgai moiduduimai.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

MATIUS 19:21

Tubag i Yesus kon inia, “Aka iko bo moibog motompod totok, yo bayádon potaḷui komintan onu inta kon inimu bo silaidon tua komintan kon intau mita inta bogá dá iko in mokouḻídon kon kapunyaan kon soroga, onda intua angoidon kon naa bo dudui kon i-Nakó!”

MATIUS 6:19

“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

LUKAS 16:11

Dá aka bagupa soaḷ kapunyaan dunia naa bo diádon motaau pirisayaan in moiko, apapa doman kapunyaan inta kon soroga?

LUKAS 16:13

Simpaḷ tobatú in diábí motaau in monontuang kon doyowa. Sin aka natua, tobatú in saturuonnea yo tobatú in kotabinea. Andeka tongábí tobatú in duduiannea, yo tobatú in diábí indongogannea. Natua doman in moiko. Aka moiko bo mopirisayadon kon i Allah yo donaai bidon moibog mokidongog kon onu inta indunia naa.”

LUKAS 16:4

Oyúon in akaḷku; aka pogogaiondon in akuoi nongkon oaidanku tanaa, yo musti kobarongonku in yobayat inta moibog pogutunanku!’

OUMAN IN RASUL MITA 10:31

Sia in noguman nanaa, ‘Kornelius! Sambayangmu in sinarimadon i Allah bo kinotaauan-Nea domandon in kopopia in ginamu.

OUMAN IN RASUL MITA 10:4

Dá takin ondok, nobobui in sia kon malaekat tatua bo noḻibó, “Nongonu Tuang?” Dá malaekat tatua in noguman, “Bayongan inta pinoigummu kon sambayang bo oaidmu inta mopia kon intau mita bogá, aindon noiyaput kon i Allah bo iko in umuran kon bonu in gina-Nea.

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

YUDAS 1:21

bo kobiag saḷaḷu kon bonu in totabi i Allah, kon wakutu in moiko mogoḷat mako kon barakat i Tuhan naton ki Yesus Kristus inta mobogoi in kobiagan mopia bo mononoi.