LUKAS 16:8 - Alkitab Singog In Mongondow Masa In Tanaa

⁸ Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

LUKAS 16:8 Iomraidhean Croise

KINOBAḺIAN 3:1

Uḷag naa in mahaḷuk inta totok in mopandoi monguboḷ nongkon sigad in bayongan mahaḷuk inta pinomia i Tuhan Allah. Uḷag tatua in noḻibó kon bobay tatua, “Totuu degá kon ki Allah in nogimaḷow kon i monimu mokaan kon bungai mita in pangkoi ayop kon taman tanaa?”

SAMUEL 2 13:3

Oyúon in yobayat i Amnon inta mopandoi bo mobarong in akaḷ, tangoinea ki Yonadab ki adí i Simea ki guya-guyang i Daud.

DATU MITA 2 10:19

Tuamai in sipundon in bayongan in nabi Baal bo bayongan in intau inta mosumbamai kon i Baal takin imangnea mita; dikabí in taḻiban. Mobogoi in akuoi in sosumba moḷoben kon i Baal. Ki ine in diá momangoi yo hukumon matoi.” Táe tua in tongábí akaḷ i Yehu sinbá mokoḻimod kon bayongan in mososumba kon Baal.

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

IḶUAIAN 1:10

Aka mobaḻí in parang, yo diá bo diá mosia tua in motobatúbí takin musung mita sin moḷawang kon inaton, bodongka moḷagui monaḷámai kon butá tanaa. Kita musti in morai mongo naonda sinbá diádon modugang in kobayong monia.”

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.

MATIUS 12:32

Bo aka intau mosingog kon pomaḷawang kon Adí Intau, sia in ampunganpabí, táe aka sia bo momaḷawang kon Roho i Allah, yo sia in diábí motaau ampungan in tanaa mako andeka kon aherat!”

MATIUS 17:26

Ki Petrus notubag, “Intau mokokiangoi!” Dá ki Yesus in noguman kon inia, “Aka natua yo intau mita kon tua in diá bidon paraḷu moguboḻi kon pajak.

LUKAS 16:10

Intau inta motaau pirisayaan pokiaidan in oaidan mointok, yo sia in motaau doman pirisayaan pokiaidan in oaidan moḷoben. Táe intau inta diá motaau pirisayaan pokiaidan in oaidan mointok, yo sia in diá doman motaau pirisayaan pokiaidan in oaidan moḷoben.

LUKAS 16:4

Oyúon in akaḷku; aka pogogaiondon in akuoi nongkon oaidanku tanaa, yo musti kobarongonku in yobayat inta moibog pogutunanku!’

LUKAS 16:7

Onda intua sia in noḻibó kon intau induanea, ‘Tongonu in boḻimu?’ Intau tatua in noguman, ‘Gandum mogatut nokarong.’ Dá kaín bendahara doman tatua, ‘Naa in surat boboḻianmu. Baḷuiai in surat tanion bo pais waḷu nopuḷú nokarong.’

LUKAS 18:6

Bo ki Yesus in noguman doman kon i monia nanaa, “Tarukira onu inta siningog in hakim inta diá moondok kon i Allah tatua!

LUKAS 20:34

Dá ki Yesus in noguman kon i monia nanaa, “Intau mita inta nobiag masa in naa mobuḷoi ande mokipobuḷoibí mita,

LUKAS 20:35

táe intau mita inta patus biagon bui nongkon kinopatoiannea, bo mobiag kon masa inta moiduduimai, mosia tua in diá bidon bui morobuḷoi ande mokipobuḷoi.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

TESALONIKA 1 5:5

Utatku mita moiko nion in komintanbí intau inta nobiag kon nobayag, moiko in noibonu kon bayag inta motarang. Kita in deemanbí intau inta nobiag kon sindip, ande intau inta noituot kon doḷom inta mosindip.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.