LUKAS 16:3 - Alkitab Singog In Mongondow Masa In Tanaa

³ Bo norai in bendahara tatua kon bonu in ginanea, ‘Onu degá in pomiaan tanaa? Akuoi aindon pinogogai i tuangku. Momasoḷ, diá mokomampu in akuoi; mobaḻí moigum magí-mako kon daḷan, mooyá in akuoi.

LUKAS 16:3 Iomraidhean Croise

ESTER 6:6

Naonda in ki Haman sinumuot, ki datu in noguman, “Oyúon in intau in ogoianku in kahoromatan moḷoben. Onu in aidanku kon inia?” Kon raian i Haman, “Ki inepabí in ogoian in kahoromatan moḷoben tua i datu? Notantú bidon kon akuoi!”

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

AMSAL 15:19

Intau maḷat umuranbí koantugan in roriga; intau motuḻid in gina diábí moyodungkuḷ in roriga.

AMSAL 18:9

Intau inta maḷat in mogaid kon oaidannea notongkaibí in koraatnea in intau inta moibog momoguyaat.

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

AMSAL 20:4

Monononggobá inta maḷat diá mobuká kon gobánea kon wakutunea; imbuitnea kon sempo in posipunan kon bungai in boyó yo butánea in diábí mobogoi in onu bo onu.

AMSAL 29:21

Bobantung inta umuran sinauan nongkon noguodpamai, imbuitnea in mobaḻídon pamandot.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

HOSEA 9:5

Kon singgai mita moḷoben in agama sin mohoromat kon i Tuhan, moiko in diábí mokopogaid kon onu bo onu sin morame kon tua.

MATIUS 20:8

Naonda in nodoḷomdon, ki togi gobá tatua in noguman kon moḷoḷukad kon gobánea, ‘Oinídon in intau mita inta nogaid tatua sin uboḻiankudon in pinogaidan monia, pangkoidon kon i monia inta nogaid tumi totok nodapot inta nogaid noiuna doman totok.’

MARKUS 10:46

Bo noidapotdon in mosia in Yerikho. Wakutu in ki Yesus bo murí-Nea mita takin intau moantó inta dinumudui kon i-Nia, nonaḷámaidon kon kotá tatua oyúon tobatú intau bilog inta ḻimitú mako kon daḷan sin moigum kon totabi in intau inta moitaḻibmai. Ki Bartimeus in tangoi intau bilog tatua, sia ki adí i Timeus.

LUKAS 12:17

Intau tatua umuran morai kon bonu in gina, kainia, ‘Tampat potagúanku kon hasil in gobáku, diádon tugat. Naondapa degá in dayaku bá tugatan?’

LUKAS 16:2

Dá inoiníneadon in bendaharanea tatua bo pinoḻiboan nanaa, ‘Degá totuu in bayongan inta ain dinongogku soaḷ oaidmu? Aka totuu kon natua, yo tanaa mako posarakaidon modait kon inakó in lapuran in bayongan oaidanmu, sin pogogaionkudon in iko.’

LUKAS 16:20

Kon tayowon baḷoinea pinoḻitúdon mako in tobatú intau inta nobiag nobogá totok, tangoinea in ki Lazarus. Awak i Lazarus naa totok in pinaḻi-paḻímai.

LUKAS 16:22

Diá noonggot kon tua minatoi in intau bogá tatua bo dinia in malaekat mita pinobayá in tampat inta mopia kon diug i Abraham kon soroga. Natua doman in intau inta nooyúon tatua, minatoidon doman bo iḷobong.

LUKAS 16:4

Oyúon in akaḷku; aka pogogaiondon in akuoi nongkon oaidanku tanaa, yo musti kobarongonku in yobayat inta moibog pogutunanku!’

LUKAS 18:4

Aindon kotongonu degá in bobay tatua in mayámai kon hakim tatua táe umuranbí doman doí motuḷung in hakim tatua kon inia. Táe pangabisannea hakim tatua in norai nanaa, ‘Umpakabí akuoi naa diá moondok kon i Allah bo diá doman mopandung kon tumpaḷa intau,

YOHANES 9:8

Táe topodiugnea mita bo intau mita inta nokoimontandon nokoontong kon inia ḻimitúmai bo moigum kon doit kon intau inta moitaḻibmai, komintan noguman, “Aka diá moitaḷá siabí tanaa inta biasamai tumompoḻitúanmai bo moigum kon intau moitaḻib?”

OUMAN IN RASUL MITA 3:2

Kon tua oyúon in tobatú ḷoḷaki inta ḻempeng nongkon noilahirpamai. Pomuḷoi in singgai umuran in sia buḻigan intau pobayá in diugmai in ngara in Baḷoi Tuhan, ngara tatua sinangoian “Ngara mogaga”. sia in dinia minayá intua sin mopoigum in totabi kon intau mita inta tumuot kon Baḷoi Tuhan tatua.

OUMAN IN RASUL MITA 9:6

Táe tanaa mako in poguman-Ku kon inimu pobangondon bo tuotdon in kotá. Bain kon tua bo poguman-Ku kon inimu mongo onu in pokiaid-Ku kon inimu.”

TESALONIKA 2 3:11

Pinoguman nami in nanaa sin dinongog nami kon oyúon in intau kon sigad monimu in doídon mogaid kon soaḷ inta baraguna tongá bidon mogaid kon inta diá baraguna.