LUKAS 16:20 - Alkitab Singog In Mongondow Masa In Tanaa

²⁰ Kon tayowon baḷoinea pinoḻitúdon mako in tobatú intau inta nobiag nobogá totok, tangoinea in ki Lazarus. Awak i Lazarus naa totok in pinaḻi-paḻímai.

LUKAS 16:20 Iomraidhean Croise

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

MAZMUR 73:14

Sin kinoouput in singgai akuoi koantugan in nahat; pomuḷoi in doḷo-doḷom akuoi rorigaan.

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

YEREMIA 8:22

Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

MATIUS 26:71

Naonda in sia minayá in ngara moḷoben, simpaḷ ibanea in nokoontong kon inia bo noguman kon intau mita inta kon tua, “Intau tanaa in takinbí i Yesus Intau in Nazaret tatua.”

LUKAS 16:19

“Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.

LUKAS 16:21

Lantaran totokdon in ginogoy dá Popuyutdon in sia kon onukadon in moḷabú nongkon meja in intau inta nooyúon tatua. Bo ungkú mita in mamangoi bo modeḻemut kon paḻínea.

YOHANES 11:1

Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

OUMAN IN RASUL MITA 3:2

Kon tua oyúon in tobatú ḷoḷaki inta ḻempeng nongkon noilahirpamai. Pomuḷoi in singgai umuran in sia buḻigan intau pobayá in diugmai in ngara in Baḷoi Tuhan, ngara tatua sinangoian “Ngara mogaga”. sia in dinia minayá intua sin mopoigum in totabi kon intau mita inta tumuot kon Baḷoi Tuhan tatua.

YAKOBUS 1:9

Intau in Keresten inta nobiag nobogá, kosanangbí aka sia in poḷantudon i Allah.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.