LUKAS 16:2 - Alkitab Singog In Mongondow Masa In Tanaa

² Dá inoiníneadon in bendaharanea tatua bo pinoḻiboan nanaa, ‘Degá totuu in bayongan inta ain dinongogku soaḷ oaidmu? Aka totuu kon natua, yo tanaa mako posarakaidon modait kon inakó in lapuran in bayongan oaidanmu, sin pogogaionkudon in iko.’

LUKAS 16:2 Iomraidhean Croise

MOHOHUTUBA 12:14

Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

MATIUS 12:36

Táe poguman-Ku kon i monimu; Pomuḷoi in singog inta diá in mangaḻenea inta aindon siningog in intau yo musti tubagannea kon singgai pohakiman.

MATIUS 20:8

Naonda in nodoḷomdon, ki togi gobá tatua in noguman kon moḷoḷukad kon gobánea, ‘Oinídon in intau mita inta nogaid tatua sin uboḻiankudon in pinogaidan monia, pangkoidon kon i monia inta nogaid tumi totok nodapot inta nogaid noiuna doman totok.’

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

LUKAS 16:1

Ki Yesus in nongonguman doman kon poumpamaan tanaa kon murí-Nea mita kai-Nia, “Oyúon in tobatú intau nooyúon. Sia tua in nogamá kon intau nobaḻí bendaharanea mongolamai kon bayongan kapunyaannea. Intau nooyúon tatua in nokouḻí kon lapuran kon intaunea tatua in totokbí in monginibognea mopomaké in doitnea.

LUKAS 16:3

Bo norai in bendahara tatua kon bonu in ginanea, ‘Onu degá in pomiaan tanaa? Akuoi aindon pinogogai i tuangku. Momasoḷ, diá mokomampu in akuoi; mobaḻí moigum magí-mako kon daḷan, mooyá in akuoi.

SURAT I PAULUS KON JAMAAT RUM 14:12

Dá kitabí tontaní in motanggung jawab kon bayongan oaid naton kon i Allah.

KORINTUS 1 1:11

Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.

KORINTUS 1 4:2

Inta muna-munamai igumon kon intau mita inta mogogaid kon oaidan natua in kototoinduduibí monia kon i tuangnea.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

TIMOTIUS 1 4:14

Dika angoian maḷat iko in mopomaké in totabi inta ain pinonotabi i Tuhan kon inimu wakutu in iko binarakatan in itoi mita in jamaat. Umuran torop in koyow i Allah inta pinoguman in nabi mita soaḷ iko.

TIMOTIUS 1 5:24

Dosa in tongonumai intau, wakutu in diápa sidangon koontongan bidon motarang. Táe dosa in intau ibanea bain koontongan aka mopaḷutdon sidangon.

PETRUS 1 4:10

Moiko in komintan bidon nokouḻí kon totabi mita inta noyo-noyoposi nongkon i Allah. Tuamai saḷaku mogogaid mita inta mopia pakédon kopira in onu inta ain pinonotabi i Allah tatua sin pogaid kon kopontingan moyotakin.

PETRUS 1 4:5

Táe mosiabí in motanggungjawab kon bayongan tua kon tayowon i Allah inta ain nobasadia mohakim kon intau inta nobiag bo intau inta ain minatoi.

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.