LUKAS 16:19 - Alkitab Singog In Mongondow Masa In Tanaa

¹⁹ “Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.

LUKAS 16:19 Iomraidhean Croise

ESTER 8:15

Nopaḷut mako kon tua ki Mordekhai in nonaḷámaidon kon komaḻig takin nogiḷambung in ḷambung intau moḷoben inta nobidu bo nobudó, jubah nokamumu nongkon lenan moaḷus bo mahkota buḷawan inta mogaga totok. Intau kon kotá in Susan monggoḷakap mita sin noḷunganga in gina monia.

AMSAL 14:24

Intau mobijaksana dinayow popisí in kabijaksanaannea, intau bodok ponango-nangoian popisí in kobobodoknea.

AMSAL 31:22

Siabí tontaní in nomia kon ompat in taḷog; ḷambungnea in nongkon kaeng lenan nokamumu inta nopira totok.

YESAYA 3:23

ḷambung monipit, ḷambung linen, aḷuang bo koḷubung mobanat.

YEHEZKIEL 16:13

Natuata iko iḷambáan in buḷawan bo saḷaka; pakeangmu pinomia nongkon kaeng linen bo sutra sinomboréan. Motaaubí in iko mokaan kon roti pinomia nongkon torigu inta totok in mopia, takin biluk bo ḷana in zaitun. Koḷunatmu noiḷontúdon totok bo iko in nobaḻídon bokí.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 27:7

Ḻeag bo tomponuotmu in nongkon linen in Mesir, inta sinujian in noyagi-yagimai. Moaḷus totok in bahan mita in ḷoḷaiganmu, didit nongkon Siprus nokamumu in batangannea.

MARKUS 15:17

Bo ki Yesus iḷambungan monia in jubah nopars bo pinogaidan kon mahkota dodugian bo pinopobandow kon uḷu i Yesus.

MARKUS 15:20

Onda in pinoyambá mako monia natua in ki Yesus, iḷongkutdon bui monia in jubah nopars tatua bo pinoḷutudon bui in ḷambung-Nea tontaní. Onda intua dinia pinoḷuai sin popopakúdon kon kayu pinoyotaḻempang.

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

LUKAS 16:1

Ki Yesus in nongonguman doman kon poumpamaan tanaa kon murí-Nea mita kai-Nia, “Oyúon in tobatú intau nooyúon. Sia tua in nogamá kon intau nobaḻí bendaharanea mongolamai kon bayongan kapunyaannea. Intau nooyúon tatua in nokouḻí kon lapuran kon intaunea tatua in totokbí in monginibognea mopomaké in doitnea.

LUKAS 16:18

Pomuḷoi in intau inta mogaat kon i buḷoinea bobay bo bui mobuḷoi kon bobay ibanea, yo sia in nonuaḻing; bo ki ine in motonibuḷoi takin bobay tatua inta ain ginaat i buḷoinea ḷoḷaki, yo sia in nonuaḻingbí doman.”

LUKAS 16:20

Kon tayowon baḷoinea pinoḻitúdon mako in tobatú intau inta nobiag nobogá totok, tangoinea in ki Lazarus. Awak i Lazarus naa totok in pinaḻi-paḻímai.

WAHYU 17:4

Bobay tatua nogi ḷambung in ḷambung nopars bo nopura noguyang, bo iḷambáan in buḷawan mita, permata bo mutiara. Sia in kokada-kadai in tobatú palo buḷawan inta nopuḻing in soaḷ mita inta moraat bo mokotor, bungai mita in aid monia inta mongokotor.

WAHYU 18:16

poḷat mosingog, “Adodoia kaasí, totokdon moḷoben in bodito in kotá inta moḷoben tanaa! Biasamai mogiḷambung in sia nongkon kaeng inta moaḷus, kaeng nopars, bo kaeng nopura inta noguyang; biasamai sia nopuḻing in ḷambá buḷawan, permata, bo mutiara!

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’

HAKIM MITA 8:26

Bayongan in nganti-nganting buḷawan inta inogoi kon i Gideon dodai intua kobogatnea in gogió bo doyowa nopuḷú nokilo, diápabí pinotakin in ḷambá mita, boboḷ, kaeng nokasumba inta pinaké in datu mita in Midian, bo boboḷ inta ginamá kon sigogow in unta mita monia.