LUKAS 16:16 - Alkitab Singog In Mongondow Masa In Tanaa

¹⁶ Hukum i Musa bo buk in nabi mita umuranpabí pinaké nodapot kon masa i Yohanes Mobobaptis. Bo pinangkoidon nongkon wakutu intua Habar Mopia kon naonda in ki Allah mamangoi momarenta saḷaku datu tantúdon pinotaau. Bo intau mita umuran moramuji totok sinbá mobaḻí umat i Allah.

LUKAS 16:16 Iomraidhean Croise

MATIUS 10:7

Bayádon bo poguman, kon ki Allah in ḷagidon mamangoi momarenta saḷaku Datu.

MATIUS 15:11

Deemanbí inta kinaan in haram; táe inta siningogbí, tuatabí inta mokonajis kon intau.”

MATIUS 21:32

Sin ki Yohanes ain namangoi mopoyotutui in daḷan inta totuu kon i monimu, táe diá pinirisaya monimu in sia. Táe mononagi mita kon pajak bo bobay mita inta sundaḷ nopirisaya kon inia. Sin umpakabí moiko ain nokoontong kon inia, táe moiko in diá angoian in panasaḷan bo moiko in diábí doman mopirisaya kon inia.”

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MATIUS 4:17

Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MARKUS 1:14

Naonda in ki Yohanes dinomok pinobonu kon ponjara, ki Yesus minayá in Galilea, bo nopotaau kon tua in Habar Mopia inta nongkon i Allah.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

LUKAS 10:11

‘Umpaka ḷobud in kotámu naa inta nongoikompit kon sioḷ nami, daiton doman nami topiran saḷaku tompoingat kon i monimu. Táe bá kotaauan monimu kon diá bidon moonggot in ki Allah mamangoi momarenta saḷaku Datu kon yua-yuak monimu!’

LUKAS 10:9

Tuḷungai bo undamai in intau mita inta notakit kon kotá tatua bo poguman kon intau mita kon tua, ‘Ki Allah in mamangoidon momarenta saḷaku Datu kon yua-yuak monimu.’

LUKAS 16:29

Dá ki Abraham in notubag, ‘Kon i monia tua in oyúondon in buk i Musa bo buk in nabi mita! Pomayádon mako mosia in dumudui kon onu inta ain pinais kon bonu in buk mita tatua!’

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

LUKAS 9:2

Onda intua nopotabá kon i monia minayá nopotaa-taau mako in Habar Mopia kon naonda in ki Allah mamangoi momarenta saḷaku Datu poḷat mongundam kon intau mita inta notakit.

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

YOHANES 11:48

Aka pomayá naton in Sia umuran mogaid kon oaidan-Nea, yo bayongan intau in mopirisayadon kon i-Nia. Bo pangabisannea pongawasa in Rum in mamangoi bo momoguyaat kon Baḷoi Tuhan bo bayongan intau naton!”

YOHANES 12:19

Dá intau mita in Parisi mulaidon nosigumanan, “Diá mokopongonu in kita! Indoiaika bayongan in intau kon dunia naa mayá dumudui kon i-Nia!”

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

OUMAN IN RASUL MITA 3:18

Táe natuabí in aid i Allah mogintompod kon onu inta ain pinotaau-Nea muna pinongin nabi-Nea mita inta kai-Nia, ‘Mopoposaḷamat inta pinotabá-Nea in musti mokorasa kon roriga.’