LUKAS 16:15 - Alkitab Singog In Mongondow Masa In Tanaa

¹⁵ Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

LUKAS 16:15 Iomraidhean Croise

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 2 6:30

yo igumon mako Iko nongkon tampat pinogutunan-Mu kon soroga moibogpa kaasí mokidongog bo mongampung kon i monia. Tongábí Iko in monotaau kon bonu in gina in intau. Tuamai in popoaidon kon intau podudui kon aid mita monia,

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 49:13

Intau in diábí umuran mobiag kon bonu in kaoyúonan; naonda bo mahaḷuk, sia in moyopúbí doman.

MAZMUR 49:18

Sin kon tungkuḷ in matoi sia in diábí mokopodia kon onu bo onu, kapunyaan in diábí moponag kon poḷoḷobongan takinnea.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

AMSAL 20:6

Mobarong in intau mongaku kon yobayat, táe inta totu-totuu mosatia, in mororigabí in mouḻí.

AMSAL 21:2

Bayongan aid in intau degá mopiabí in kon bonu in raiannea tontaní, táe ki Tuhanbí in moindoi kon makusud in ginanea.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

MALEAKHI 3:15

Inontong bidon naton tontaní kon intau mita inta moḷoḷatú in moḷungangabí. Intau moraat in deemanbí tongá modugang motomoman, táe mosia in monungkuḷbí doman kon kososabar i Allah pongin aid monia moraat, bo mosia in moisimparutbí doman.’ ”

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

MATIUS 6:2

Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua.

MATIUS 6:5

“Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia.

LUKAS 10:29

Táe mototundú kon agama tatua doí taḷowon, dá sia in noḻibó bui kon i Yesus, “Ki inebí inta sinangoi tumpaḷa intau?”

LUKAS 11:39

Tuamai ki Tuhan in nosingog kon i-Nia nanaa, “Moiko intau in Parisi totuubí kon aka palo bo pindan yo yuyúanbí monimu dotá in ḷuainea, táe bonu in gina monimu nopuḻing in raian inta diá mopia. Mongoraat bo mongotogat in gina in moiko.

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

LUKAS 18:21

Dá kaín intau doman tatua, “Tua komintan aindon dinuduianku nongkon mongoadíanpamai.”

LUKAS 18:9

Ki Yesus in nongonguman kon poumpamaan tanaa, sin kon tua oyúon in intau inta monganggap kon tongábí mosia in intau mobanar, bo intau ibanea inanggap monia komintanbí binaradosa.

LUKAS 20:20

Mototundú mita kon agama bo imang mita itoi umuran monaridi mako kon i Yesus. Kon tua mosia in nonondan kon tobatú intau inta mayá kon i Yesus bo ki ubo-uboḷmai ná intau mopia. Mosia in nokiḻibó in soaḷ inta inanggap monia motaau kouḻían monia kon taḷá i Yesus, sahingga oyúondon in baḻíon monia dodoyonan podomokan kon i-Nia bo posarakan kon i gubernur.

LUKAS 20:47

Mosia tua mongongakaḷ kon intau inta dongkadon boba-bobay bo mogagow kon baḷoi monia. Bo oaid monia inta moraat tatua oḻingoian monia in sambayang inta moḷanggó! Hukuman kon i monia tua in nopastibí kon mobogat totok!”

YOHANES 2:25

Tuamai diá bidon paraḷu mokodongog kon tosingogon in intau ibanea, sin kinotaauan-Nea onu in kon bonu in gina intau.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

OUMAN IN RASUL MITA 1:18

Ki Yudas naa in aindon nokouḻí kon butá pinoḷobongan kon inia, butá boḻi in oaidnea inta moraat. Sia in noḷabú noitongkob bo siannea in nobotak, dá bayongan bonu in siannea noiḷuai komintan.

OUMAN IN RASUL MITA 1:24

Mosia komintan nosambayang nanaa, “Tuhan, Ikobí inta nonotaau kon bonu in gina in bayongan intau, tundúdon mongo ki ine in koibog-Mu kon sigad inayadua naa, inta motarima kon oaidan inta pinoki aid-Mu táe inta ain sinaḷáanmai i Yudas inta ain notarima kon hukuman pinodudui in oaidnea.”

OUMAN IN RASUL MITA 15:8

Bo ki Allah inta nonotaau kon gina in bayongan intau in noponiatadon kon sinarima-Nea bidon in mosia; soaḷ tatua pinoniata-Nea takin nobogoi in Roho-Nea kon i monia ná inta ain inogoi-Nea kon i naton.

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

SURAT I PAULUS KON JAMAAT RUM 8:27

Dá ki Allah, inta nonotaau kon bonu in gina intau, nonotaaubí kon makusud in Roho tatua; sin Roho tatua mopoigum kon i Allah sin kopontingan in umat-Nea, bo tua in pinoduduibí kon ibog i Allah.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”