LUKAS 15:8 - Alkitab Singog In Mongondow Masa In Tanaa

⁸ “Andeka, aka kuma bo tobatú bobay kodoit saḷaka mopuḷú in kobayongnea, bo tobatú in nobuḻi – onu in aidannea? Tantú mopoyongkitbí in togá in sia bo mongait kon bonu in baḷoinea bo kotaya-tayak modapot in mouḻínea bui in doitnea tatua.

LUKAS 15:8 Iomraidhean Croise

YEHEZKIEL 34:12

naonda bo gombala motayak bo mosipun kon dombanea mita inta noirarit bo bui tompiaan. Mosia in diaan-Ku bui nongkon tampat mita inta kinoraritan monia kon singgai inta nosindip bo inta diá mopia tua.

MATIUS 5:15

Apa doman diábí intau inta mopoyongkit mako in togá bo tungkubannea in belek, yo tantú tuduonneabí kon tampat pototuduan kon togá dá mokosimbayag kon bayongan intau inta kon bonu in baḷoi tatua.

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

LUKAS 15:9

Bo aka mouḻíneadon in doitnea tatua, yo mogoiníbí in sia kon yobayatnea mita bo topodiugmai mita, bodongka moguman, ‘Igai mobarasanangpa in kita sin doitku inta nobuḻi in nouḻíkudon bui!’

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YOHANES 11:52

Bo deemanbí tongá bangusa in Yahudi, táe mosipunbí bo moponobatú kon adí mita i Allah inta noirangkapdon.

OUMAN IN RASUL MITA 19:19

Dá bayongan in mogogonow tatua nosipundon kon buk notes mita monia bo sinokotubá kon tayowon intau moantó. Boḻi in buk notes mita tatua aka rekengon mangoi degá ḻima nopuḷú noribu in doit saḷaka.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.