LUKAS 15:6 - Alkitab Singog In Mongondow Masa In Tanaa

⁶ bo diaan mobui. Onda in moiyaputmai kon baḷoinea, sia in mogoiní kon yobayatnea mita bo topodiugmai poḷat moguman nanaa, ‘Igai bá moramepa in kita sin dombaku inta nobuḻi in nouḻíkudon bui!’

LUKAS 15:6 Iomraidhean Croise

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

LUKAS 1:58

Bo naonda in topodiugnea mita bo ginaḷumnea mita nokodongog kon ki Tuhan ain nopoontong in totabi-Nea inta totok in moḷoben, dá nopia totok in gina monia, natua doman gina i Elisabet.

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

LUKAS 15:24

Sin ki adíku inta ain minatoi, tanaa mako in nobiagdon bui.’ Bo nomangkoidon in mosia norame.

LUKAS 15:5

Bo aka mouḻíneadon bui in domba tatua, yo totokbí in mopia-pia in ginanea, dá in potaanonneadon in domba tatua,

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

OUMAN IN RASUL MITA 15:3

Dá inatod in jamaat mita kon Antiokhia in mosia nodapot kon ḷuai in kotá, onda intua minayá nongin Penisia bo Samaria in mosia. Kon tua mosia in nongonguman kon soaḷ kon naonda sahingga intau mita inta deeman Yahudi nobaḻí nopirisaya kon i Allah. Habar tatua in totok nokosanang kon gina in intau mita mopirisaya kon tua.

PILIPI 1:4

Bo pomuḷoi doman mako sambayanganku in moiko komintan takin sanang in gina.

PILIPI 2:17

Matoikabí in akuoi sin mobaḻí kuruban in sambayangmu kon i Allah inta pinirisayamu, yo diábí moyaat in ginaku kon i monimu.

PILIPI 4:1

Tuamai, Utatku mita inta kinotabiku, kobiagbí in moiko takin totu-totuu mopirisaya kon i Tuhan. Totok in akuoi mokotanob kon i monimu! Moiko nion inta totok mokoḷunganga kon ginaku.

TESALONIKA 1 2:19

Totuubí kon tongábí moiko nion in nobaḻí harapan bo inta nobaḻí batoḷ in dodob nami aka ki Yesus inta ki Tuhan naton mamangoi bui!

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.