LUKAS 15:4 - Alkitab Singog In Mongondow Masa In Tanaa

⁴ “Aka kuma oyúon kon sigad monimu inta nomiag kon domba mogatut in kobayongnea, bo tobatú in nobuḻi, yo onu in aidannea? Tantú taḷaanneapabí in domba inta siow nopuḷú bo siow kon ḷantungnea bo mayá in sia motayak kon inta nobuḻi tatua modapot in mouḻíneadon.

LUKAS 15:4 Iomraidhean Croise

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YEREMIA 33:13

Kon kotá mita inta kon butá mita kon buḷud, kon sioḷan in buḷud, butá in Yohuda dotá in toḷatan, bo kon butá in Benyamin takin ḻipú mita kon diugmai in Yerusalem, bo kon kotá mita in Yohuda, gombala mita in mogiapbí bui kon domba mita monia. Akuoi, ki Tuhan, ain noguman.”

YEREMIA 50:6

Umat-Ku in nádon domba inta pinomayá mako in gombalanea mita noiḷaḻe kon buḷud. Mosia in nodondaḷoi nongkon buḷud tobatú mopobayá in buḷud ibanea bo diádon kinotaauannea monia in baḷoi monia.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:31

Totuu, moikobí in paanan in domba-Ku inta pinokaan-Ku. Moiko in umat-Ku, bo Akuoi in ki Allahmu. Akuoi ki Tuhan Inta Totok in moḷantud ain nosingog.”

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

YEHEZKIEL 34:8

Podoyon kon tangoi-Ku, ki Allah inta nobiag, tondudutdon! Domba-Ku mita ain dinomok bo kinaan in mahaḷuk moraat, popisí in diá in noḷukad kon i monia. Moiko in gombala-Ku mita in diábí nopandungmai kon domba mita tatua. Moiko in tongábí morai kon awakmu tontaní, deemanbí kopontingan in dombamu mita.

MATIUS 12:11

Ki Yesus bui noḻibó kon i monia, “Aka kon sigad monimu bo oyúon kodomba tobatú, bo domba tatua in noḷabú kon bubú inta moonag kon tungkuḷ in singgai in Sabat; yo degá diánea bayáan gamáan bo poḷuai?

LUKAS 13:15

Táe ki Tuhan in noguman kon inia, “Ei intau mongomunapik, degá diábí kinotaauan monimu kon moikopa momuḻi doman kon sapi andeka keledai monimu nongkon ḷantungnea aka kon singgai in Sabat sin bayáan poinumon.

LUKAS 15:3

Dá tuamai in ki Yesus nongonguman kon poumpamaan tanaa kon i monia, kai-Nia,

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

SURAT I PAULUS KON JAMAAT RUM 2:1

Manangka intua, utat mita ki inebí in iko nion sin mohakim kon intau ibanea? Iko tontaní in kotaḷábí doman! Aka iko bo mopotaḷá kon intau ibanea, bokaka tumpaḷa nogaid kon ná inta inaidan monia tua, dá in mangaḻenea kon tua, ikodon tontaní in nopoḷabú in hukuman kon inimu tontaní.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.