LUKAS 15:32 - Alkitab Singog In Mongondow Masa In Tanaa

³² Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 15:32 Iomraidhean Croise

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

MATIUS 18:11

Sin Adí Intau in namangoi sin moposaḷamat kon intau mita inta nongobuḻi!]

LUKAS 15:24

Sin ki adíku inta ain minatoi, tanaa mako in nobiagdon bui.’ Bo nomangkoidon in mosia norame.

LUKAS 15:31

Dá ki amánea in notubag nanaa, ‘Uḻeku, iko in umuran koyota-yotakin i papa. Bo bayongan kapunyaan i papa kapunyaanmubí doman.

LUKAS 7:34

Noiduduimai kon tua, Adí Intau namangoi – Sia tua nongaan bo nonginum – táe siningog monimu: ‘Indoiaika, intau tatua! Totok in turá bo moḷoḷangu, bo yobayat in mononagi kon pajak bo in intau mita baradosa.’

SURAT I PAULUS KON JAMAAT RUM 11:15

Sin mosia ain sinolak i Allah, dá hubungan in intau kon dunia naa takin i Allah in motompiadon bui; apadoman aka mosia in tarimaan i Allah! Tantú tua in notongkaibí in naonda bo intau minatoi inta nobiagdon bui!

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

SURAT I PAULUS KON JAMAAT RUM 3:4

Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”