LUKAS 15:30 - Alkitab Singog In Mongondow Masa In Tanaa

³⁰ Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’

LUKAS 15:30 Iomraidhean Croise

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 32:7

Dá ki Tuhan noguman kon i Musa, “Ḷagidon posiḻig, sin bangusa inta diniamu iḻumuai nongkon butá in Mesir nomiadon kon inta moraat.

AMSAL 29:3

Ki ine in moibog in hikmat, mokosanang kon gina i amánea. Ki ine in moyobayat in bobay sundaḷ mokopodait kon doitnea.

MARKUS 12:44

Sin mosia in nobogoi nongkon kalebean monia. Táe intau boba-bobay tatua in umpaka nobiag nobogá totok in sia, táe sia in nobogoibí in bayongan onu inta oyúon kon inia – inta totokpabí in paraḷunea pakéon kon kobiagannea.”

LUKAS 15:29

Táe adí tatua in noguman kon i amánea, ‘Aindon kon taongannea in akuoi in nogaid nobantung kon i papa. Diá dodai onda in akuoi in nomaḷawang kon parenta i papa. Yo onu degá in inogoi i papa kon inakó? Umpaka tongá ki adí in bembé diápa kon dodai in onda ki papa nobogoi kon inakó sin poramean takin yobayatku mita!

LUKAS 15:31

Dá ki amánea in notubag nanaa, ‘Uḻeku, iko in umuran koyota-yotakin i papa. Bo bayongan kapunyaan i papa kapunyaanmubí doman.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.