LUKAS 15:20 - Alkitab Singog In Mongondow Masa In Tanaa

²⁰ Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

LUKAS 15:20 Iomraidhean Croise

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

KINOBAḺIAN 45:14

Onda intua sia nonggakap kon i Benyamin, ki ai-ainea tua, bodongka nongombaḷ; ki Benyamin nongombaḷ poḷat nonggakap doman kon i Yusup.

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

SAMUEL 2 14:33

Onda intua minayádon in ki Yoab kon tayowon i Datu Daud bo nopotaau in oigum i Absalom. Bo ki datu in nogoiní kon i Absalom, bo ki Absalom in namangoi sinumungkud kon tayowon i datu. Bo sinontomu in sia inayokan i datu.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

YESAYA 57:18

Akuoi in nokoontongdon kon dodia monia, táe mosia in bui-Kubí tompiaan. Kapiton bo tuḷungan-Kubí in mosia bo moḻipoi kon intau inta moajar in gina.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

LUKAS 15:19

Dá akuoi in diá bidon patus tangoion ki adí i papa. Tuamai pomiadon in akuoi naonda bo intau mogogaid i papa.’

LUKAS 15:21

Táe ki adínea tatua in noguman: ‘Papa, akuoi naa aindon nomia kon taḷá kon i Tuhan bo kon i papa, tuamai akuoi diá bidon patus tangoion ki adí i papa.’

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

EPESUS 2:13

Táe masa in naa, popisí in moiko bo ain notobatú i Kristus Yesus, dá moiko inta noyayú in koḻipod, aindon pinopodiug sin ki Kristus ain minatoi kon i monimu.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.