LUKAS 15:19 - Alkitab Singog In Mongondow Masa In Tanaa

¹⁹ Dá akuoi in diá bidon patus tangoion ki adí i papa. Tuamai pomiadon in akuoi naonda bo intau mogogaid i papa.’

LUKAS 15:19 Iomraidhean Croise

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

LUKAS 15:18

Yo maníka bo mobui in akuoi kon i papaku, bo moguman kon inia nanaa: Papa, akuoi naa ain nomia kon taḷá kon i Tuhan bo kon i papa.

LUKAS 15:20

Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

KORINTUS 1 15:9

Sin akuoibí naa in rasul inta totok in mohina kon sigad in bayongan rasul, sin akuoi in nomogutú kon bayongan jamaat i Allah.

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.