LUKAS 15:18 - Alkitab Singog In Mongondow Masa In Tanaa

¹⁸ Yo maníka bo mobui in akuoi kon i papaku, bo moguman kon inia nanaa: Papa, akuoi naa ain nomia kon taḷá kon i Tuhan bo kon i papa.

LUKAS 15:18 Iomraidhean Croise

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.

AMSAL 23:13

Dikabí moondo-ondok in modidik kon i adímu. Aka sambokonmu uwoy in sia, diábí matoi in sia,

YESAYA 63:16

Iko nion in ki Amá nami? Ki Abraham bo ki Yakub in diábí nonotaau kon inami. Táe Iko o Tuhan, in ki Amábí nami, Mopoposaḷamat nami nongkon dungkuḷpabímai.

YEREMIA 3:19

Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

OMBAḶ 3:29

Biódon mako kita in tumonsiup bo tumamad sin dika-dika bo oyúonpabí in kamang.

OMBAḶ 3:40

Biódon mako kita in monaridi kon kobobiag naton, bo mobui kon i Tuhan Allah kon soroga. Igai bukatan naton in gina bo mosambayang,

DANIEL 4:26

Malaekat mita in nomarenta sinbá tuod in pangkoi in kayu tatua pomayá mako in moimuḷa mako kon butá. Tua in mangaḻenea kon ki Tuangku in mobaḻípabí datu naonda in ki Tuangku mongakudon kon ki Allah in kitogi kawasa kon sinangkub in dunia naa.

YUNUS 2:4

Akuoi in nosingog kon bonu in ginaku: Ki Tuhan in nopoguntundon kon inakó naa nongkon tayowon-Nea. Diádon in akuoi mokoontong bui kon baḷoi pogogutunan-Nea inta motusi.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

MATIUS 3:6

Mosia nongaku muna kon taḷá monia bodongka binaptis i Yohanes kon Ongkag in Yordan tatua.

MATIUS 6:14

Aka moiko bo moibog mongampung kon taḷá in intau, yo ki Amá monimu inta kon soroga in mongampungbí doman kon taḷámu.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

MATIUS 7:11

Dá aka moiko inta moraat bo motaau mobogoi, kon inta mopia kon i adímu mita. Yo bambíkabí ki Amámu kon soroga! Sia in moiḻiubí kon tua, ogoian-Neabí inta mopia totok in ki ine inta moigum kon i-Nia.”

LUKAS 11:2

Dá kai Yesus doman, “Aka moiko bo mosambayang yo singogdon nanaa, ‘Amá, Tongábí Iko in ki Allah. Poigumon mako Iko in sumbaan bo horomaton. Ikobí in Datu nami. Poigumon mako Iko momarenta kon dunia.

LUKAS 15:17

Pangabisannea sia in nosadar bo nosingog nanaa, ‘Intau mita inta nogaid kon i papaku mobayong totok in kaanon kon i monia, táe akuoi in kon naa gogióbí bo matoi in gogoy!

LUKAS 15:19

Dá akuoi in diá bidon patus tangoion ki adí i papa. Tuamai pomiadon in akuoi naonda bo intau mogogaid i papa.’

LUKAS 15:21

Táe ki adínea tatua in noguman: ‘Papa, akuoi naa aindon nomia kon taḷá kon i Tuhan bo kon i papa, tuamai akuoi diá bidon patus tangoion ki adí i papa.’

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”